काठमाडौं, २६ जेठ । प्रधानमन्त्री शेरबहादुर देउवाले काठमाडौँ महानगरपालिकाका मेयर बालेन्द्र शाह (बालेन)लाई बोलाएर काठमाडौँको फोहोर व्यवस्थापनका विषयमा जानकारी लिएका छन्। फोहोर व्यवस्थापनमा देखिएको समस्या समाधान गर्न सरकारको साथ रहने भन्दै प्रधानमन्त्रीले नुवाकोटस्थित बञ्चरेडाँडाका स्थानीयबासी र जनप्रतिनिधिसँग पनि छलफल गरेर दीर्घकालिन समाधान खोज्न सुझाव दिएका छन्।
जेठ १६ मा कार्यभार सम्हालेका बालेनले प्रधानमन्त्री देउवासँग यसअघि १८ गते भेट गरेका थिए। सो भेटमा देउवाले उनलाई महानगरपालिकाका हरेक काममा प्रधानमन्त्रीका रूपमा आफूले सहयोग गर्ने प्रतिबद्धता जनाएका थिए। बालेन देउवाबीच बिहीबार (आज) प्रधानमन्त्रीको सरकारी निवास बालुवाटारमा भएको भेटमा देउवाले काठमाडौँको फोहोरको दीर्घकालीन व्यस्थापनका लागि गर्न सकिने कामबारे सुझाव दिएको प्रधानमन्त्री सचिवालयका एक सदस्यले जानकारी दिए।
प्रतिक्रिया दिनुहोस्