काठमाडौं, २७ पुस । अत्याधिक चिसोका कारण सर्लाहीमा कठ्याग्रिंएर थप दुइ जनाको ज्यान गएको छ । ज्यान गुमाउनेहरुमा बसबरिया गाँउपालिका वडा नं.१ मानपुरका ६५ बर्यिया सियादेवी यादव र चक्रघट्टा गाँउपालिका वडा नंं ४ सुन्दरपुरका ६२ वर्षिय मोहम्मद हुसेन रहेका छन् । न्यानो कपडाको अभावमा उनीहरुको राती सुतेकै ठाउमा चिसोले कठ्यांग्रिएर ज्यान गएको स्थानियवासीले बताएका छन् । मृतकको शव परीक्षणका लागि जिल्ला अस्पताल मंलगवा लगिएको छ ।

हिजो पनि ब्रह्मपुरी ६ नोकैल्वामा चिसोकै कारण ५ बर्षे बालक होरिल माझी को मृत्यु भएको थियो । यो सँगै सर्लाहीमा चिसोका कारण मृत्यु हुनेको संख्या ५ पुगेको छ । चिसोले गरिव र विपन्न परिवारका व्यक्तिको ज्यान जाँदा समेत स्थानीय प्रसाशनले भने राहतका कार्यक्रमहरु ल्याउन सकेको छैन । प्रशासनले भने स्थानीय निकायका जनप्रतिनिधीहरुलाई जिल्ला वन सँग समन्वय गरेर जिल्लाका विभिन्न स्थानमा आगो ताप्ने व्यवस्था मिलाउन निर्देशन दिइ सकिएको बताएको छ । स्थानीय निकायहरुले केही स्थानहरुमा आगो ताप्ने व्यवस्था गरेको भए पनि त्यो पर्याप्त नभएको स्थानीयको गुनासो छ । साथै उनीहरुले आगो ताप्ने व्यवस्था वाहेक न्यानो कपडा लगायतका राहत वितरण गर्न माग गरेका छन् ।

एबीसी रिर्पोटर प्रेमनाथ