काठमाडौं । नेकपा (एकीकृत समाजवादी) का सम्मानित नेता क.झलनाथ खनाल स्वास्थ्य उपचारपछि पार्टी काममा फर्किनुभएको छ ।बस्नुभएको क.झलनाथ खनाल आज पार्टी केन्द्रीय कार्यालय, मीनभवन, आलोकनगरमा उपस्थित भई विदेश विभागको पहिलो बैठकमा सहभागी हुनुभयो । उहाँले पार्टी कार्यालयका पदाधिकारी तथा कर्मचारीसँग कार्यालयको अवस्थालगायतका प्राविधिक विषयमा जानकारी लिनुभएको छ । मिर्गौला उपचारका क्रममा उहाँले शुरुमा काठमाडौंस्थित नर्भिक अस्पतालमा र त्यहाँका चिकित्सकहरुको रायका आधारमा थप उपचारका निम्ति असार २ गते दिल्लीस्थित एपोलो अस्पताल जानुभएको थियो ।
मिर्गौला प्रत्यारोपणपछि उहाँ दिल्लीबाट भदौ १४ मा स्वदेश फर्किनुभएको हो । चिकित्सकहरुले तीन महिना पूर्ण आराम गर्न सल्लाह दिएका कारण त्यस अवधीभर कुनै पनि कार्यक्रममा उपस्थित नभएका खनाल, उक्त समय अवधी सकिए पनि अझै केही समय सार्वजनिक कार्यक्रम मा नजाने हुनुभएको छ । नेकपा (एकीकृत समाजवादी) गठन भएपछि उहाँ एउटा सचिवालय बैठकमा उपस्थित हुनुभएको थियो । तर, पार्टी कार्यालय स्थापना भएपछि उहाँ पहिलोपटक कार्यालय आउनुभएको हो । अबका दिनमा पार्टीका आन्तरिक गतिविधिमा भने नियमित रुपमा कार्यालयमा रहनुहुने भएको छ ।
प्रतिक्रिया दिनुहोस्