काठमाडौं । सत्तासाझेदार नेकपा (माओवादी केन्द्र)का स्थायी कमिटी सदस्य देवेन्द्र पौडेलले वर्तमान सत्तारुढ गठबन्धन कम्तिमा आगामी चुनाव अघिसम्म जाने बताउनुभएको छ । नेता पौडेलले वर्तमान संविधान, लोकतन्त्र, संघीय लोकतान्त्रिक गणतन्त्रका स्थापित मूल्य, मान्यताहरुलाई स्थापित गराउनका लागि पनि गठबन्धनको विकल्प नरहेको बताउनुभयो । गठबन्धनका राजनीतिक दलहरुभित्र विचारमा विविधता भएपनि आधारभुत रुपमा मिल्ने उद्देश्यहरु र साझा विन्दू खोज्दै गठबन्धनलाई अगाडी बढाउने उहाँले उल्लेख गर्नुभयो ।
संसदीय व्यवस्थामा सरकारको बहुमत सदनमा कहीँ न कहीँ प्रकट हुनुपर्ने बताउँदै नेता पौडेलले अध्यादेशको बाटो लिनुपरेको स्पष्टीकरण दिनुभयो । प्रतिगमनलाई सच्याउने उद्देश्यसहित अध्यादेश आएर सदनमा बहुमत पु¥याइएको उहाँको भनाइ थियो । त्यसको निम्ति तत्कालिन नेकपा(एमाले)को विभाजन अनिवार्य रहेको र विभाजनको लागि सहज बनाउने उद्देश्यसहित अध्यादेश आएको बताउनुभयो । उहाँले अबको एक, दुईदिन भित्रमै सरकारले पूर्णता पाउने बताउनुभयो ।
यद्यपी कतिपयको अनुमान चाहीँ निर्वाचन आयोगले सम्बन्धित दलका जो अस्ति अध्यादेशबाट प्रभावित भएका दलहरुको निर्वाचित जनप्रतिनिधिहरुलाई २२ गतेसम्म समय दिइएको छ । त्यसो भएर २२ गतेसम्म पर्खिने कि भन्ने प्रसंगहरु पनि चलेका छन् । तर नेता पौडेलले भने हिजो र आज भएका गठबन्धनका भेटघाट, कुराकानी र छलफलले दुई, तिन दिन भित्रमा सरकारले पूर्णता प्राप्त गर्ने दावी गर्नुभयो ।
नेता पौडेलले नेकपा (माओवादी केन्द्र) भित्र मन्त्रि छान्नलाई कुनै सकस नभएको भन्दै पार्टीले जिम्मेवारी दिएको खण्डमा आफू पनि मन्त्रिपरिषद्मा जान तयार रहेको स्पष्ट पार्नुभयो ।
प्रतिक्रिया दिनुहोस्