काठमाडौं, १६ चैत । स्वास्थ्य तथा जनसंख्या मन्त्रालयले कोरोना भाइरस नियन्त्रण तथा रोकथामका लागि इन्ट्रयाक्टिभ म्याप एप्स बनाएको छ ।
मन्त्रालयले आज यो एप्सको नयां एप्स सार्वजनिक गरेको हो । एप्स सार्वजनिक गर्दै स्वास्थ्य तथा जनसंख्यामन्त्री भानुभक्त ढकालले कोरोनाभाइरस विरुद्ध सावधानीपूवर्क लडाईंलाई व्यवस्थित गरिरहेको बताउनुभयो । मन्त्री ढकालले सातै प्रदेशमा ल्याब सुविधा विस्तार गरेर जोखिममा रहेका सबै नागरिकलाई स्वास्थ्य सेवा उपलब्ध गराउने बताउनुभयो । ढकालले आजै मात्र चीनबाट ल्याइएका अति आवश्यक स्वास्थ्य सामाग्रीहरुले कोरोना विरुद्ध लड्न सहज हुने विश्वास व्यक्त गर्नुभयो ।

कार्यक्रममा स्वास्थ्य मन्त्रालयका प्रवक्ता डाक्टर विकास देवकोटाले मन्त्रालयले बनाएको इन्ट्रयाक्टिभ म्यापसहितको एप्सले कोरोना भाइरसबारे सबै जानकारी दिने बताउनुभयो । डाक्टर देवकोटाले एप्सले आफु नजिकको अस्पताल, त्यस अस्पतालले दिने कोरोना भाइरस विरुद्धको सुविधा, कोरोना भाइरसको नमुना संकलन कहां गर्ने, कुन अस्पतालमा कोरोना टेस्टको सुविधा छ भन्नेबारे पनि जानकारी दिने बताउनुभयो ।

एप्स प्रयोगबाट व्यक्ति आफैले कोरोनाबारे जानकारी लिन सक्ने एवं संक्रमित व्यक्तिहरुको पहिचान समेत हुन सक्ने उहांले बताउनुभयो ।