बुटवल, २६ पुस ।
राष्ट्रिय एकता दिवसको अवसर पारेर नेपाली सेनाको मध्यपश्चिम पृतना हेड क्वाटर बुटवलले भिक्टोर म्याराथुल युनिटी रन को आयोजना गरेको छ ।
सेनाले आयोजना गरेको म्याराथुन प्रतियोगिता आज बिहान ८ बजे बुटवलको बुटवल बहुमुखी क्याम्पसबाट सुरु भई जितगढी किल्लामा पुगि समापन भएको थियो । म्याराथुन प्रतियोगितामा नेपाली सेना, नेपाल प्रहरी, शसस्त्र प्रहरी सहित सर्बसाधारण नागरिकहरुले समेत भाग लिएका थिए ।
राष्ट्रिय एकता दिवस नाम दिएर मनाउन थालिएको पुस २७ को पुर्व संध्यामा नेपाली सेनाको मध्यपश्चिम पृतना हेड क्वाटरले आयोजना गरेको भिक्टर म्याराथुन युनिटी रनमा प्रदेश ५ सरकारका मुख्यमन्त्री, मन्त्रीहरु सहित संघिय सरकारका उपप्रधान एवं रक्षामन्त्री ईश्वर पोखरेल बुटवलमा ५ किलोमिटरको दुरी पैदल हिंडेर पार गरेका थिए । ५, १०, २१ र ४२ किलोमिटर म्याराथुन प्रतियोगितामा रक्षामन्त्री पोखरेल सहित मुख्यमन्त्री शंकर पोखरेल, प्रदेश सरकारका आन्तरिक मामीला तथा कानुन मन्त्री कुलबहादुर केसी, पर्यटनमन्त्री लिला गिरिले ५ किलोमिटरको दुरी पैदल हिंडेर पार गर्दै जितगढी किल्ला पुगेका थिए ।
म्याराथुन प्रतियोगिताको बिजयी धावकहरुलाई पुरस्कार बितरण गर्न आयोजीत समारोहलाई सम्बोधन गर्दै संघिय सरकारका उपप्रधान एवं रक्षामन्त्री ईश्वर पोखरेलले नेपालको सिमा रक्षाको सवालमा कहिं कसैसंग सम्झौता नगरिने दृढता ब्यक्त गर्नुभयो । उहांले राष्ट्रिय अखण्डता र सर्बभौमीकताको रक्षाको बिषयमा सरकार सधै संबेदनशिल रहेको बताउंदै ऐतिहासिक तथ्य प्रमाणहरुको आधारमा सिमाहरु रक्ष ागर्न नेपालीहरु एकजुट रहेको उदघोष गर्नुभयो ।
सेनाका अधिकारी र जवानसहितको टोलिसंग म्याराथुनमा दौडन सयांैको संख्यामा नागरिक सहित नेपाल प्रहरी तथा सशस्त्र प्रहरीका जवानहरु शनिबार बिहानै बुटवलको सडकमा निस्केका थिए । बिश्व बिजेता अंग्रेजलाई पराष्ट गर्ने लडाईमा नेपाली सेनाको कमाण्ड गर्ने कर्णेल उजीर सिंहको सम्मान तथा सरकारको भ्रमण वर्ष २०२० लाई टेवा पु¥याउन नेपाली सेनाले म्याराथुनको कार्यक्रम राखेको मध्यपश्चिम पृतना हेड क्वाटरका पृतनापति सिताराम खड्काले बताउनुभयो ।
सेनाले आयोजना गरेको म्याराथुनमा ४२ किलोमिटर अन्तर्गत पुरुष तर्फ हरिकुमार रिमालले २ घण्टा ३१ मिनेटमा दुरी पार गरि प्रथम भएका थिए भने राजन रोकायाले २ घण्टा ३२ मिनेटमा पार गर्दै दोस्रो र कल्याण बानीयाले २ घण्टा ३५ मिनटमा दुरी पार गरि तेस्रो भएका थिए । त्यस्तै महिला तर्फ कान्छीमाया क्वजु २ घण्टा ५६ मिनेटमा पार गरि प्रथम रमिता बासी ३ घण्टा १२ मिनटमा पुरा गरि दोस्रो र कृष्णेश्वरी सिम्ता ३ घण्टा ३२ मनिटमा पार गरि तृतीय बनेकी थिईन् । २१ किलोमिटर दौडमा गजेन्द्र राई प्रथम, रामजी बस्नेत द्धितीय र मिलन कार्की तृतिय बनेका थिए भने महिला तर्फ बिश्वरुपा बुढा प्रथम, पुर्णलक्ष्मी न्यौपाने दोस्रो र रेखा बिष्ट तृतिय बनेकी थिईन् । १० किलोमिटर पुरुष तर्फ शिव रायमाझी प्रथम, बिकास राई द्धितीय र गणेश सिंह ठकुरी तेस्रो भएका थिए भने महिला तर्फ सानुमाया कार्की प्रथम, सिता श्रीस द्धितीय र सिता चौधरी तृतिय भएकि थिईन् ।
बिजयी धावकहरुलाई बुटवल उपमहानगरपालिका प्रमुख शिवराज सुबेदी, प्रदेश ५ सरकारका आन्तरिक मामीला तथा कानुन मन्त्री कुलबहादुर केसी तथा संघिय सरकारका उपप्रधान एवं रक्षामन्त्री ईश्वर पोखरेलले नगद, शिल्ड तथा प्रमाणपत्र बितरण गर्नुभएको थियो ।
कर्णेल उजीर सिंह किल्ला जितगढीमा आयोजना गरिएको समापन कार्यक्रममा युद्ध संगितमा आधारीत सरायानाच तथा बिजयी उत्सव नाच नेपाली सेनाले प्रदर्शन समेत गरेको थियो । स्थानीय बिद्यालयका बिद्यार्थीहरुको राष्ट्रिय भावनामा ओतप्रोत भएको नृत्यले सहभागिलाई मनोरन्जन प्रदान गरेको थियो ।