काठमाडौं, १ पुस । सोमबार देशको पहाडी भू–भागमा आंशिक बदली रही बा“की भू–भागमा मौसम सामानयता सफा नै रह्यो । तर, सोमबार रातभर पनि पहाडी भू–भागमा आंशिक बदली रही वर्षा हुने र अन्य स्थानमा सामान्यता मौसम सफा नै रहने मौसम पूर्वानुमान महाशाखाले जनाएको छ । पश्चिमी वायुको प्रभाव तथा न्यून चापिय प्रणालीका कारण वर्षास“गै विभिन्न क्षेत्रमा हिमपात र वर्षा भईरहेको महाशाखाले जनाएको छ । सोमबार सामान्यतया मौसम सफा रहेपनि सोमबार उता फेरी पानी पर्न सक्ने महाशाखाको अनुमान छ । तर, वर्षायाममा जस्तै लगातार पानी भने पर्दैन ।

यस वर्ष छिट्टै जाडो बढ्यो कि ? भन्ने पनि सर्वसाधारणहरुको अड्कल छ । तर, सामान्यतया डिसेम्बर, जनवरीतिर नै जाडोयामको प्रक्रिया सुरु हुने भएकोले यो नियमित प्रक्रिया रहेको मौसमविद्हरु बताउ“छन् । त्यसो त डिसेम्बरको तेस्रो हप्ता पनि सुरु भईसकेकोले वर्षा, हिमपात र जाडो बढ्दै जानु स्वभाविक रहेको उनीहरुको भनाई छ । पश्चिमी वायुका कारण पूर्वी नेपालमा भन्दाबढी सुदुरपश्चिम तथा मध्यपश्चिम क्षेत्रमा जाडोको प्रभाव बढी हुन्छ । त्यसो त जलवायु परिवर्तनको असर नेपालको मौसममा पनि परिरहेको छ । पहिले–पहिले नेपालको अतयन्तै न्यूनतम तापक्रम माईनस तीन डिग्रीसम्म पुग्थ्यो तर, आजभोलीको न्यूनतम तापक्रम चार डिग्रीभन्दा बढ्न सकेको छैन । विगतको तुलनामा आजकल चिसो पनि कम भईरहेको मौसमविद्हरु बताउ“छन् । त्यसैगरी, पानी पर्ने मौसम, चिसो हुने दिनहरु पनि छोटिएको र मौसमको ढाचा पनि परिवर्तन हुदै गएको महाशाखाले जनाएको छ । चिसो मौसममा स्वास्थ्यको हेरचाह तथा अप्रिय घटना घट्न नदिन समयमै शतर्क रहन महाशाखाले अनुरोध गरेको छ ।

पश्चिमी वायु तथा न्यून चापिय प्रणालीका कारण मौसम परिवर्तन एवम् जाडो या गर्मी बढ्नु त स्वभाविक प्राकृतिक प्रक्रिया नै हो । तर पृथ्वीमा बढ्दो प्रदुषणका कारण जलवायु परिवर्तनमा नकरात्मक असर पुगिरहेको छ, यो भने गम्भिर विषय हो । त्यसो त चिसोकै कारण वृद्धवृद्धा, सुत्केरी महिला तथा बालबालिकाहरुको स्वास्थ्यमा बढी प्रभाव पुग्दछ । कतिले त चिसोकै कारण ज्यान गुमाउनुपर्ने अवस्था समेत सिर्जना हुने गरेको छ । तसर्थ, चिसो मौसमकै कारण कुनै अप्रिय घटना घट्न नदिन सबै नागरिक र जिम्मेवारहरुले बेलैमा साचेमा यसकोे परिणाम अति उत्तम हुनेछ ।