काठमाण्डौ, १८ साउन ।
राष्ट्रपति बिद्यादेबी भण्डारीले प्रधानमन्त्रीको अनुपस्थितीमा उपप्रधानमन्त्री तथा रक्षा मन्त्री ईश्वर पोखरेलललाई मुलकको कार्यबाहक प्रधानमन्त्रीको जिम्मेवारी तोक्नु भएको छ ।
नियमीत स्वास्थ्य परिक्षणका लागि प्रधानमन्त्री केपी शर्मा ओली आजै सिङ्गापुर प्रस्थान गर्नुभएकाले प्रधानमन्त्रीले गर्ने दैनिक प्रशासनिक कार्य गर्ने गरि कार्यबाहक प्रधानमन्त्रीको जिम्मेवारी तोकिएको राष्ट्रपति कार्यालयबाट आज सांझ प्रकाशित बिज्ञप्तीमा जनाईएको छ ।
बिज्ञप्तीमा प्रधानमन्त्रीले गर्ने दैनिक प्रशासनिक कार्य नेपालको संबिधान बमोजिम प्रधानमन्त्रीको सिफारिसमा माननीय उपप्रधान एवं रक्षा मन्त्री ईश्वर पोखरेलले सम्हाल्ने गरि तोकिएको उल्लेख गरिएको छ ।
प्रधानमन्त्री केपी शर्मा ओली नियमित स्वास्थ्य परीक्षणका लागि सिंगापुर प्रस्थान गर्नुभएको छ । प्रधानमन्त्री ओली आजै सिल्क एयरको नियमित उडानबाट सिंगापुर प्रस्थान गर्नुभएको हो । प्रधानमन्त्री ओलीको ‘नेसनल युनिभर्सिटी हस्पिटल’ [एनयूएच] मा स्वास्थ्य परीक्षण हुने प्रधानमन्त्रीको निजी सचिवालयले जनाएको छ ।