बुटवल, १८ चैत्र ।
आईतबार राती आएको हावाहुरीका कारण भएको जनधनको क्षतिमा राहत स्वरुप स्थानीयस्तरबाट सहयोग गर्ने अभियान सुरु भएको छ । बारा र पर्सामा भएको जनधनको क्षेतिमा राहतका लागि रुपन्देहीको तिलोत्तमा नगरपालिकाले प्रदेश नम्बर २ सरकारको मुख्यमन्त्री राहत कोषमा जम्मा हुने गरि ४ लाख नगद राहत पठाउने निर्णय गरेको छ ।
नगरपालिकाले आज एक बिज्ञप्ती प्रकाशित गर्दै हावाहुरीबाट पिडा भोगिरहेका जनतालाई थोरै भएपनि राहत पुगोस भन्ने उद्देश्यले राहत पठाउने निर्णय गरिएको जनाएको छ । नगरपालिकाका जनप्रतिनिधि, राष्ट्रसेवक कर्मचारी तथा शिक्षकहरुको एक दिनको तलव बराबरबाट रु ४ लाख तत्काल मुख्यमन्त्री राहतकोषमा पठाउने निर्णय भएको नगरपालिकाका नगर प्रमुख बासुदेव घिमीरेले जानकारी दिनुभयो ।
आईतबार राती आएको हावा हुरीका कारण बारा र पर्सामा ३५ बढीको मृत्यु १ हजार बढी घाईते हुनुका साथै करोडौं जनधनको क्षेति पुगेको छ ।

पुर्वी तराईमा रगत अभाव हुन नदिन रुपन्देहीमा रक्तदान :
पुर्वी तराईका आधीहुरीबाट प्रभावीत घाईतेहरुलाई रगत अभाव हुन नदिन रुपन्देहीको देवदहमा सोमबार बृहत रक्त्तदान कार्यक्रम सम्पन्न भएको छ । आइतवार साझ पुर्वी तराइको वारा र पर्सामा वर्षा सहित आएको भिषण हावाहुरीका कारण घाईते हुन पुगेका विरामीहरुलाई रक्त्त अभाव हुन नदिनका लागी देवदहमा रक्तदान कार्यक्रमको आयोजना गरिएको हो। देवदह जेसीज र नेपाल स्वयंसेवी रक्त्तदाता समाज देवदहको आयोजनामा रक्त्तदान कार्यक्रम सम्पन्न भएको हो । कार्यक्रममा देवदह नगर प्रमुख हिरा बहादुर खत्रीले बारा र पर्सामा भएको घटना प्रती दुख व्यत्त गर्दै मृत्युहुनेहरुमा श्रद्धाञ्जली र घाइतेहुनेहरुमा श्रिघ स्वास्थ लाभको कामना गर्नु भएको थियो ।