उदयपुर, १७ चैत । आफ्नै बुहारीलाई खुकुरी प्रहार गरेको अभियोगमा एक व्यक्तिलाई प्रहरीले प्रक्राउ गरेको छ । घरायसी बिवाद हुँदा ३० वर्षिय चन्दा राईलाई खुकुरी प्रहार गर्ने बेलका नगरपालिका-२ बानडाँडा बस्ने सितुमान राईलाई शनिबार दिउसो प्रहरीले पक्राउ गरेको हो ।
उनले बुहारीलाई खुकुरी प्रहार गरेको भन्ने खबर प्राप्त हुनासाथ प्रहरी चौकी भागलपुरबाट खटिएको प्रहरीले उनलाई एक थान खुकुरीसहित पक्राउ गरेको बताइएको छ ।
टाउकोमा चोट लागेर घाइते भएकी चन्दालाई उपचारको लागि धरान घोपा लगिएको र अवस्था बोल्न सक्ने रहेको प्रहरी बताएको छ । यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।
प्रतिक्रिया दिनुहोस्