काठमाडौं,१६ चैत । आफ्नै बाबुबाट बलात्कृत भएकी किशोरीले शिशु जन्माएकी छन् । पटकपटक बाबुबाट बलात्कार सिकार भएकी १६ वर्षीया किशोरीले बुधबार बच्चा जन्माएकी हुन ।
उनलाई ८ महिनाकी गर्भवती भएपछि विद्यालयमा सोधपुछ गर्दा घटना खुलेको बताइएको छ । स्थानीय एक विद्यालयमा १० कक्षामा अध्ययनरत उनको शारीरिक अवस्था परिवर्तन भएपछि शिक्षिकाले सोधपुछ गर्दा रहस्य खुलेको हो। चौबिसे गाउँपालिकाका ती व्यक्तिले ८ महिनादेखि छोरीलाई बलात्कार गरी गर्भवती बनाएपछि घटना सार्वजनिक भएको थियो ।
छोरी बलात्कार गरी गर्भवती बनाएका एक व्यक्तिलाई जिल्ला अदालत धनकुटाले जन्मकैद सुनाएको छ । न्यायाधीश विनोदकुमार पोखरेलको इजलासले बिहीबार यस्तो फैसला गरेको हो । गत साउनदेखि बाबुले डर देखाएर बलात्कार गर्दै आएको किशोरीले बताएकी छन ।
प्रतिक्रिया दिनुहोस्