काठमाडौं,१४ चैत । भक्तपुरका उद्योगी व्यवसायीको छाता संगठन भक्तपुर उद्योग वाणिज्य संघका पूर्व अध्यक्ष कृष्ण प्रसाद ताम्राकार र शरु महत तथा उनका श्रीमान भनिएका मणी विक्र शाह (मनसुन) बीच भएको आर्थिक लेनदेन सम्बन्धी मुद्दाको विषयमा केही सञ्चार माध्यमले वदनियतपूर्वक नियतले समाचार सम्प्रेषण गरेको भन्दै भक्तपुर उद्योग वाणिज्य संघले त्यसको खण्डन गरेको छ ।

आर्थिक लेनदेन हरहिसाब सम्बन्धी मुद्दाको किनारा नलाग्दै विषयको तथ्यलाई तोडमोड गरि केही सञ्चार माध्यमले वदनियतपूर्वक नियतले समाचार सम्प्रेषण गरेकोमा संघले आपत्ति जनाएको छ ।

व्यवसायी कृष्ण प्रसाद ताम्राकार, नेकपा सांसद तथा पूर्व उद्योगमन्त्री महेश बस्नेत र प्रहरी प्रशासन भक्तपुरलाई बदनाम गराउने वदनियतले अदालतको अन्तरिम आदेश विपरीत समाचार सम्प्रेषण भएकोमा उक्त समाचारको खण्डन गर्दै भक्तपुर उद्योग वाणिज्य संघले खेद प्रकट गरेको छ ।

भक्तपुर उद्योग वाणिज्य संघका महासचिव महेश बहादुर धौबञ्जारद्धारा जारी संघको विज्ञप्तिमा सत्य तथ्य कुरा बुझेर मात्रै समाचार सम्प्रेषण गरिदिन सञ्चारकर्मीलाई अनुरोध गरिएको छ ।