काठमाडौं, २४ भदौं । नेपाल जापान फ्रेन्डसिप लायन्स क्लबले चितवनको कालिका नगरपालिका–६ मा रहेको श्री आधारभूत विद्यालयका बाढी पीडित विद्यार्थीहरुलाई शैक्षिक सामग्री वितरण गरेको छ ।
क्लवले विद्यालयमा अध्ययनरत २० जनाभन्दा बढी विद्यार्थीलाई शैक्षिक सामग्री (कापी, कलम, पेन्सिल, इरेजर) वितरण गरेको हो ।

अध्ययनको शिलसिलामा जापान पुगेका नेपालीहरुले स्थापना गरेको यस क्लबका सदस्यहरुबाट रकम संकलन गरी शैक्षिक सामग्री प्रदान गरिएको क्लबका प्रथम उपाध्यक्ष दिलिप लामिछाने जानकारी दिनुभयो ।

राहत वितरणका कार्यक्रममा लायन्स क्लव अफ चितवन कालिकाका प्रथम उपाध्यक्ष शिशिर सिंखडा, कालिका नगरपालिका–६ का महिला वडा सदस्य दुर्गा सुवेदी, विद्यालयका प्रधानाध्यापक नन्दलाल लामिछाने, विद्यालयका शिक्षक दिपक लामिछाने, अभिभावक संघका अध्यक्ष बुद्धीप्रसाद पोख्रेल लगायतको उपस्थिति रहेको थियो ।