काठमाडौं,२० भाद्र । युएई सरकारले एक महिना अघि खुल्ला गरेको आममाफी प्रक्रियामा १ हजार ३ सय ४० नेपाली सहभागी भएका छन ।

आममाफी प्रक्रियामा धेरैजसो घरेलु काममा युएई पुगेका महिला कामदार सहभागी भएको युईएस्थित नेपाली राजदूतावासले जानकारी दिइको छ । यसरी आममाफी प्रक्रियामा सामेल हुने अधिकांश घरेलु महिला कामदार रहेको दूतावासको भनाइ रहेको छ ।

साउन १६ गतेदेखि सुरु भएको आममाफी प्रक्रियामा अवैध रुपमा बसेर काम गरिरहेको नेपाली कामदारले सहभागिता जनाएको नेपाली राजदूतावास जानकारी दिएको छ ।

मंगलबारसम्ममा दूतावासमा ६ जना नेपाली महिलाले आममाफी प्रक्रियामार्फत राहदानी बनाउन आवेदन दिएको युएईका कार्यवाहक राजदूत सागरप्रसाद फुयाँलले जानकारी दिए ।

विभिन्न कारणले गैरकानुनी रुपमा बसिरहेका आप्रवासी कामदारलाई युएई सरकारले आममाफीको दिने भएको छ। यसका लागि तीन महिनाको समयसीमा दिएको छ।

आममाफी प्रक्रियामा सहभागी भएका करीव ७ सय नेपाली कामदार स्वदेश फर्किएका दूतवासले जनाएको छ।

अवैधानिक रुपमा बसिरहेका नेपाली आममाफीको अवसरलाई सदुपयोग गर्दै भिसा लगाएर वैधानिक बन्ने प्रयासमा रहेको दूतवासको भनाई छ।

राहदानी बिना काम गरिरहेका, कम्पनीबाट भागेर अवैधानिक भएका, श्रम अवधि सकिए पनि स्वदेश नफर्की उतै काम गरिरहेको विदेशी कामदारले आममाफी प्रक्रियामा सहभागी हुन पाउने छन्।