डोल्पा, १ साउन । डोल्पामा जैविक बिविधता र बन्यजन्तु संरक्षणमा योगदान पु¥याए बापत शे फोक्सुन्डो निकुञ्ज डोल्पाले तीन जना ब्यक्तिलाई सम्मान गरेको छ ।

त्रिपुरा सुन्दरी नगरपालिका १ को वडा कार्यालयमा आयोजना गरिएको उक्त कार्यक्रममा त्रिपुरा सुन्दरी मध्येवर्ती क्षेत्र भित्रका भानुचन्द्र उपाध्याय,कृष्णराज शाही र लिलाराम केसीलाई नगद पन्ध्र सय सहित प्रशंसा पत्र दिएर सम्मान गरिएको हो ।

त्रिपुरा सुन्दरी नगरपालिका १ का उपाध्यायलाई संरक्षित बन्यजन्तु घोरलको उद्धार,सोही ठेगानाकै केसीलाई संरक्षित राष्ट्रिय पन्छी डाँफेको उद्धार र कृष्णराज शाहीलाई बनसंरक्षणमा योगदान पु¥याए बापत सम्मान गरिएको त्रिपुरा सुन्दरी मध्येवर्ती क्षेत्र बन उपभोक्ता समितिका अध्यक्ष टिकादत्त न्यौपानेले जानकारी दिनुभयो ।

यस्ता कार्यक्रमले जैविक बिविधता,बन्यजन्तु र बनपैदावर लगायतको संरक्षणको क्षेत्रमा टेवा पुग्नुका साथै हौसला समेत बढाउने उहाँको भनाई छ ।
उनीहरुलाई वडा नं १ का अध्यक्ष कर्मसिँह थापा,त्रिपुरा सुन्दरी मन्दीरका पुजारी कृष्णचन्द्र पाण्डे र समाजसेवी टंक प्रसाद उपाध्यायले टिका,खादा र प्रशंसापत्र सहित सम्मान गरेका थिए ।

बन संम्पदा संरक्षणकालागि बोट बिरुवा रोपेर मात्रै नहुने र त्यसको रेखदेख पनि उत्तिकै महत्वपुर्ण रहेको २०४२ साल देखि बन संरक्षणमा सक्रिय त्रिपुरा सुन्दरी नगरपालिका १ गल्लीको बयोबृद्ध कृष्णराज शाहीले बताउनुभयो ।
कार्यक्रममा विभिन्न सरोकारवाला ब्यक्तिहरुको उपस्थिति रहेको थियो ।