काठमाडौं,२२ असार । नेपाल कम्प्युनिष्ट पार्टीका बरिष्ठ नेता झलनाथ खनालले कम्प्युनिष्ट पार्टी सबैखाले गुठबन्दीबाट मुक्त हुनुपर्ने बताएका छन् ।
कार्ल माक्र्स जन्म द्विशतबार्षिकी समारोह समिति प्रदेश नम्बर ५ ले आज बाकेको नेपालगञ्जमा आयोजना गरेको प्रादेशिक गोष्ठीमा बोल्दै पुर्व प्रधानमन्त्री समेत रहेका नेकपाका बरिष्ठ नेता खनालले सो कुरा बताएका हुन् ।
पार्टी नीती र विधी अनुसार नेकपा सञ्चालन हुनुपर्नेमा समेत उनले जोड दिए । पक्ष र विपक्षमा गुटबन्दी गर्ने, कतीपयलाई जिम्मेवारी नदिने जस्ता गतिविधीबाट नेकपालाई मुक्त गर्नुपर्ने बरिष्ठ नेता खनालले बताए ।
नेपालमा कम्प्युनिष्ट आन्दोलन दिन दुई गुणा रात चौगुणा फैलिदै गएको उनको भनाई रहेको थियो । नेकपाका स्थायी समिति सदस्य तथा कार्ल माक्र्स जन्म द्विशतबार्षिकी मुल समारोह समितिका संयोजक घनश्याम भुषालले जीतको समयमा नेतृत्व मात्तिएको खण्डमा ठुलो दुर्घटना हुन सक्ने भएकाले सावधानी साथ अघि बढ्नुपर्ने बताए ।
नेपाली काङ्ग्रेस आफ्नै कारणले फेरी फर्कन नसक्ने गरी सकिएको उनले दावी समेत गरे । कार्ल माक्र्स जन्म द्वि शतबार्षिकी समारोह प्रदेश समितिका संयोजक ठाकुर गैरेका अनुसार गोष्ठीमा अर्ध भूमिगत नेकपा मसालका महामन्त्री मोहनबिक्रम सिंह, नेकपाका नेता घनश्याम भुषाल, डा. विजय पौडेल, राम कार्की, गणेश शाह र नेपाली काङ्ग्रेसका नेता प्रदिप गिरीले प्रशिक्षण दिनेछन् ।
शनिबारसम्म चल्ने गोष्ठीमा प्रदेश नम्बर ५ का १२ जिल्लाबाट नेकपा र राष्ट्रिय जनमोर्चाका गरी एक हजार भन्दा बढी अगुवा नेता कार्यकर्ताको सहभागिता रहेको छ ।
प्रतिक्रिया दिनुहोस्