संखुवासभा, २ जेठ । धन सम्पत्ति भन्दा पनि मन ठुलो हो, यस्तै उदाहरणीय काम गरेका छन संखुवासभाको मकालु गाँउपालिका घर भएका शेर्पा दम्पतीले । जिल्लाकै विपन्न एक परिवारका दुई बालबालिकालाई निशुल्क पढाईदिने भएका छन उनीहरूले ।

जिल्लाको मकालु गाउपालिका-२ सेदुवा स्याथी घर भई हाल काठमाडौंमा व्यापार ब्याबसाय गर्दै आएका निमादोर्ची शेर्पा र उनको श्रीमती अन्जु शेर्पाले खाँदबारी नगरपालिका-३ मानेभञ्ज्याङ राजकुलो नजिकै बस्दै आएका बुद्विबहादुर बिष्टको ५ बर्षिय छोरा हिमाल र ३ बर्षिय छोरी हिमाला बिष्टलाई निशुल्क पढाइ दिने घोषणा गरेका हुन् ।

हाल उनीहरू दुबै जना मानेभञ्ज्याङ स्थित प्रभात बोडिङमा अध्ययरत छन । उनीहरूलाई १० कक्षा सम्म पढाइ दिने घोषणा गरेका हुन् । आजै एक कार्यकम माझ १५ हजारको चेक हस्तान्तरण गरे ।

नेपाल पत्रकार महासंघ संखुवासभा शाखाको सहकार्यमा शेर्पा दम्पतीले छात्रबृति दिएका हुन् । महासंघले विपन्न बिष्ट परिवारका दुई बालबालिकालाई १० कक्षा सम्म पढाइ दिने र अनुगमनका साथै पढाईको बिषयमा मनिटरिङ महासंघले गर्ने जनाएको छ ।

कार्यक्रममा बोल्दै दाता निमादोर्चिले हामीले पैसा भएर दिएका होईनौ, आफनै जिल्ला विपन्न परिवारका बालबालिका शिक्षाबाट बन्चित नहोस भनेर सानो सहयोग गरेको बताए । विपन्न परिवारका विष्ट दैनिक ज्यालामजदुरि गरेर जिविकोपार्जन गदै आएका छन ।

कार्यक्रममा महासंघका अध्यक्ष इन्द्र गिरीले यस्तै सहयोगी हातहरू निरन्तर सम्पक र समन्वयको आवश्यता रहेको बताए ।