एजेन्सी / विश्वमै पहिलो पटक रोबोटद्वारा मान्छेको शल्यक्रिया गरिएको छ। अमेरीकामा एकजना क्यान्सर रोगीको दुर्लभ शल्यक्रिया सम्पन्न भएको हो ।

वास्तवमा उक्त रोबोटले शल्यक्रियाका क्रममा एकजना डाक्टरको सहयोगी शल्यचिकित्सकको रुपमा सक्रियतापूर्वक काम गरेको हो ।
एक जना मान्छे डाक्टर र एकजना रोबोट डाक्टरको टिमले बिरामीको गर्धनमा रहेको दुर्लभ प्रकारको ट्युमर सफलतापूर्वक निकालेका छन् । उक्त क्यान्सरलाई कार्डोमा भनिन्छ । जुन मानिसको खप्पर तथा मेरुदण्डको हड्डीको बीचमा हुन्छ ।
अमेरिकाका नोआ पर्निकफ नामका २७ वर्षीय युवक उक्त क्यान्सरबाट ग्रस्त थिए । उनलाई उपचारका लागि पेन्सिल्भेनिया विश्वविद्यालय अस्प्तालमा भर्ना गरियो । उक्त अस्पतालमा उनको दुर्लभ रोगको दुर्लभ तरिकाले नै सफल शल्यक्रिया भयो ।
तीन चरणमा गरिएको शल्यक्रिया अन्तर्गत दोश्रो चरणमा रोबोटको प्रयोग गरिएको थियो । डाक्टर नील मलहोत्राले शल्यक्रियाको अगुवाई गरेका थिए । अहिले पर्निकफको स्वास्थ्य ठीक भएको र उनी काममा फर्किसकेको बताइएको छ ।