चितवन, २१ फागुन । झापाको निर्वाचन क्षेत्र नम्बर ५ र चितवनको निर्वाचन क्षेत्र नम्बर २ बीच कांग्रेस–एमालेले चुनावी तालमेल गरेर आज सम्पन्न प्रतिनिधिसभा निर्वाचनमा एक अर्कालाई सघाएका तथ्य बाहिरिएको छ ।झापामा प्रतिष्पर्धामा रहेका नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टीका वरिष्ठ उपाध्यक्ष बालेन्द्र शाहको निर्वाचन प्रतिष्पर्धामा शाह अगाडि रहेको निर्वाचन विश्लेषण आइरहँदा दुई कार्यकर्ताले एक अर्कालाई सघाएर मतदान गर्नेगरी निर्णय भएको बाहिरिएको हो ।चितवनको निर्वाचन क्षेत्र नम्बर २ मा राष्ट्रिय स्वतन्त्र पार्टीका सभापति रवि लामिछाने उम्मेदवार छन् । भने, नेपाली कांग्रेसबाट स्वच्छ छवि भएको नेताको रूपमा चिनिने मीनाकुमारी खरेल उम्मेदवार छन् ।

चितवनमा खरेलको चुनावी माहौल सकारात्मक हुँदै गएको, एमालेले सघाउँदा जित्न सकिने अनुमानका बीच चितवनमा खरेललाई एमालेले मत दिने र झापामा बालेनलाई हराएर केपी ओलीलाई निर्वाचित गराउने सहमति दुई दलले गरेका हुन् ।