बुटवल, २३ चैत्र ।
नेकपा माओबादी केन्द्रका केन्द्रिय हेडक्वाटर सदस्य तथा प्रदेश पांचका इन्चार्ज मणि थापाले एमाले माओबादी पार्टी एकताका लागि जनयुद्ध शब्द अनिबार्य उल्लेख हुनुपर्ने बताउनुभएको छ । उहाले एकता चाहेको भए एमालेले जनयुद्ध शब्दलाइ स्वीकारेर अघि बढ्नुपर्ने धारणा राख्नुभयो ।
प्रेस सेन्टर नेपाल प्रदेश ५ को आयोजनामा बुटवलमा भएको पत्रकार सम्मेलनमा बोल्दै थापाले चुनाब र पार्टी एकता फरक कुरा भएको धारणा राख्नुभयो ।

पार्टी एकता बिचारको भएको उल्लेख गर्दै उहांले एकता शक्ति सन्तुलनको मात्रै हुन नसक्ने बताउनुभयो ।
उहाले एमालेले जनयुद्ध नस्वीकार्ने भन्नेमा आफुहरुले कल्पना पनि नगरेको भन्दै १० बर्षे जनयुद्ध शब्द नभए एकतामा धेरै गारो हुने बताउनुभयो ।
उहाले प्रधानमन्त्री केपी शर्मा ओलीको भारत भ्रमण ऐतिहासिक हुने दाबि गर्नुभएको छ । नेपालको इतिहासमा भारतीय प्रधानमन्त्री नरेन्द्र मोदीले तीन पटक फोन गरेको बिदेशमन्त्री स्वरोज नेपाल आएर छलफल गरेको बिरलै कुरा हो यस्ले नेपाल भरतको सम्बन्ध थप उचाइमा पुग्ने धारणा समेत थापाले राख्नुभयो ।