संखुवासभा, २३ चैत। संखुवासभाको भोटखोला गाउँपालिकामा एक घर जलेर नष्ट भएको छ ।भोटखोला गापा वडा नं. २ रिदाक बस्ने चुन्दाक लामाको काठले बनेको १ तले घरमा खाना पकाउने चुलोबाट अचानक आगो सल्किन गई आगलागी भएको जिल्ला प्रहरी कार्यलय संखुवासभाले जनाएको छ ।
गत राति ९ बजेको समयमा आगलागी भएको थियो । स्थानिय र प्रहरीको सहयोगमा दुई घण्टा पछि आगो नियन्त्रणमा आएको थियो । आगोलागी बाट २ तोला सुन, २ तोला चाँदी, अन्नपात भाँडावर्तन समेत गरी अन्दाजी मुल्य तिन लाख बराबरको क्षती भएको संखुवासभाको प्रहरी नायक उपरिक्षक सन्तोष खडकाले जानकारी दिए ।
आगलागीबाट पशुचौपया र मानविय क्षति भने भएको छैन । उक्त स्थान प्रहरी चौकि थुदामबाट संखुवासभाबाट १५ मिनेट पुर्व पैदल पर्छ ।
प्रतिक्रिया दिनुहोस्