झापा, १७ साउन । देशभर सरकारले जमिनको मुल्य तोकेको हुन्छ । तर, सरकारी मुल्यमा प्रयाजसो जमिन खरिद विक्रि हुँदैन । सबै क्षेत्रमा चलनचल्तिकै मुल्यमा जमिन खरिद बिक्रि हुने गरेको छ । झापामा सरकारले जमनिको मुल्य प्रति कठ्ठा ५ लाख भन्दा कम तोकेको छ । चलनचल्तीमा भने ५ देखी ६ लाख रुपैयाँमा सामान्य जमिन किनबेच हुन्छ । तर, नेपाल आयल निगमले झापामा सामान्य खेतीयोग्य २३ बिघा जमिन दोब्बर मुल्यमा खरिद गरेको छ । सरकारी र चलनचल्तीको मुल्यलाई आधार मान्दा जमिन खरिद गर्दा आयल निगमले झापामा लगभग ३५ करोड घोटाला गरेको देखिन्छ ।

सरकारले सात वटै प्रदेशमा पेट्रोलियम पदार्थ भण्डारणका लागि जग्गा खरिद प्रकृया अघि बढाएको छ । नेपाल आयल निगमले झापा, चितवन, भैरहवा र सर्लाहीमा जमिन खरिद गरिसकेको छ । एक नम्बर प्रदेशमा पेट्रोलियम पदार्थ भण्डारणका लागि नेपाल आयल निगमले झापामा २३ विघा ३ कठ्ठा १३ धुर जमिन खरिद गरिसकेको छ । निगमले २३ विघा ३ कठठा १३ धुर जमिन ६२ करोड ६१ लाख ८८ हजार ५ सयमा खरिद गरेको मालपोत कार्यालय झापाको मोठमा देखिन्छ ।

जिल्ला मालपोत कार्यालय झापाको जग्गापास मोठ तथ्याक अनुसार १६ जना व्यक्तिले निगमलाई जमिन बेचेका छन् । २०७३ जेठ ३ र ४ गते जमिन निगमको नाममा पास भएको मालपोत कार्यालयका अधिकृत तथा सूचना अधिकारी दिपेन्द्र खत्रीले जानकारी दिए ।

निगमले को को बाट कतिमा जमिन किन्यो ?

आयगल निगमले झापाका १६ जनाबाट जमिन किनलेको जिल्ला मालपोत कार्यालय झापामा उल्लेख छ । आयल निगमले साविकको दुवागढी–३ हालको मेचीनगर–१५ मा १६ जनाबाट जमिन खरिद गरेको हो । निगमले दुवागढीका चीरञ्जीवी मरासिनी को कित्ता नम्बर ११९८ को १० कठ्ठा जमिन १ करोड ३५ लाख १० हजारमा खरिद गरेको छ । त्यस्तै, दिपककुमार कार्कीको कित्ता नम्बर ५८ को जग्गा १ विघा १८ कठ्ठा, कित्ता नम्बर ५९ को १ विघा १८ कठ्ठा, कित्ता नम्बर ६७ को १ विघा १ कठ्ठा गरी ४ विघा १७ कठ्ठा जमिन १३ करोड १० लाख ४७ हजार रुपैयाँमा खरिद गरेको पाइएको छ ।

त्यसैगरी, नारायण मरासिनीको कित्ता नम्बर १०४० नम्बरको १० कठ्ठा १ करोड ३५ लाख १० हजार र राम मरासिनीको कित्ता नम्बर ७०९ को १० कठ्ठा जमिन १ करोड ३५ लाख १० हजार रुपैयाँ तिरेर निगमले खरिद गरेको गरेकोछ । निगमले दुवागढीकै भानु मरासिनीको कित्ता नम्बर १०३९ र १०४१ को १० कठ्ठा जमिन १ करोड ३५ लाख १० हजार र नमिका कार्कीको कित्ता नम्बर ३०६ को १ विघा १२ कठठा १० धुर जमिन ४ करोड ३९ लाख ७ हजार ५ सय रुपैयाँमा खरिद गरेको जिल्ला मालपोत कार्यालय झापाले जानकारी दिएको छ ।

त्यस्तै, विष्णु कार्की भटटराईको कित्ता नम्बर ६४७ को ३ कठ्ठा ३ धुर जमिन ४२ लाख  ५५ हजार ६ सय ५० रुपैयाँमा खरिद गरेको निगमले छत्रकुमार कार्कीको कित्ता नम्बर ५७ को १ विघा १८ कठ्ठा जमिन ५ करोड १३ लाख ३८ हजारका दरले खरिद गरेको छ ।  गोमा कुमारी बस्नेतको कित्ता नम्बर ७७५ को १ विघा २ करोड ७० लाख २० हजार रुपैयाँमा खरिद गरेको निगमले अनिलकुमार कार्की क्षेत्रीको कित्ता नम्बर ७९६ को जग्गा १ विघा जमिन २ करोड ७० लाख २० हजारमा किनेको छ ।

त्यसैरी निगमले विष्णुमाया कार्कीको कित्ता नम्बर ५६ को २ विघा १२ कठ्ठा जमिन ७ करोड २ लाख ५२ हजार किनेको छ भने भिमादेवी मरासिनी को कित्ता नम्बर ११९९ को १० कठ्ठा जमिन १ करोड  ३५ लाख १० हजार तिरेर खरिद गरेको छ । दुवागढीकै निरोजकुमार थपलियासँग कित्ता नम्बर ७०६ र ७७६ को ३ विघा १० कठ्ठा जमिन ९ करोड ४५ लाख ७० हजारमा खरिद गरेको निगमले रमेश गौतमको कित्ता नम्बर ४७० को १० कठ्ठा जमिनलाई १ करोड ३५ लाख १० हजार तिरेकोछ ।

त्यस्तै, आभास र अग्रिम कार्कीको कित्ता नम्बर १५४ को संयुक्त जमिन ३ विघा ६ कठ्ठाका लागि निगमले ८ करोड ९१ लाख ६६ हजार तिरेको छ भने कमलामाया बस्नेतको ६४३ नम्बरको ५ कठ्ठा जमिन ६७ लाख ५५ हजार तिरेर निगमले आफ्नो नाममा पास गरेको छ ।

झापामा ३५ करोड घोटाला

निगमले झापाको साविक दुवागढी–३ र हालको  मेचीनगर–१३ मा २३ विघा ३ कठ्ठा १३ धुर जमिन खरिद गरेको हो । झापामा चलनचल्तीको भाउ अनुसार खेती योग्य जमिनको मुल्य प्रति कठ्ठा ५ देखी ६ लाखको हाराहारी पर्छ । सरकारी मूल्य त्यो भन्दा पनि कम छ । चलनचल्तीको मुल्यलाई आधार मान्ने हो भने निगमले खरीद गरेको जमीनको मूल्य २७ करोड ८१ लाख पर्ने देखिन्छ । तर, आयल निगमले भने ६२ करोड ६१ लाख ८८ हजार ५ सय रुपैयाँमा जमिन खरिद गरेको जिल्ला मालपोत कार्यालयको मोठमा उल्लेख छ । यो रकमलाई आधार मान्दा झापामा आयल निगमले जग्गा खरिदको नाममा ३४ करोड ८० लाख ८८ हजार ५ सय रुपैयाँ घोटाला गरेको देखिन्छ । चलनचल्ती र निगमले किनेको जमिनको भाउ दाँज्दा निगमले प्रति कठ्ठा ६ लाख ५० हजार रुपैयाँ मुल्य बढी तिरेको देखिएको छ ।

निगमले को को बाट कतिमा जमिन किन्यो ? पीडीएफमा हेर्नुहोस् ।