बुटवल, ४चैत ।
प्रदेश नम्वर ५ को प्रदेश सभाको आज बसेको बैठकले प्रदेशसभाको बैठकले प्रदेशसभा सञ्चालन नियमावली पनि पारित गरेको छ । बैठकमा मस्यौदा समितिका सभापति हरिप्रसाद रिजालले नियमावलीको मस्यौदा प्रस्तुत गर्नुभएको थियो । मस्यौदामाथि नेपाली कांग्रेसका अष्टभूजा पाठक, एमालेका भोजप्रसाद श्रेष्ठ, माओवादी केन्द्रका तुलाराम घर्ती, संघीय समाजवादी फोरमका सन्तोष पाण्डेले सुझाव सहित विचार राखेपछि नियमावली बहुमतले पारित भएको हो ।
आइतबारको प्रदेशसभा बैठकमा आर्थिक मामिला तथा योजना मन्त्रालयको समेत जिम्मेवारी सम्हालेका मुख्यमन्त्री शंकर पोखरेलले आर्थिक कार्य्विधि विधेयक प्रस्तुत गर्नुभएको थियो । विधेयकमाथि कांग्रेसका डिल्लीप्रसाद चौधरी र एमालेका विष्णुप्रसाद पन्थीले धारणा राख्नुभएको थियो ।आर्थिक विधेयक पारित भएपछि प्रदेश सरकारलाई आर्थिक कारोबार गर्न र केन्द्र सरकारले दिएको बजेट लिन बैंक खाता खोल्ने बाटो खुलेको छ । प्रदेश ५ सरकारलाई लाई संघीय सरकारले यो चालु आर्थिक वर्षमा १ अर्ब २ करोड बजेट उपलब्ध गराएको भएपनि संसद्बाट आर्थिक कार्य्विधि पास नहुँदासम्म सरकारले खर्च गर्न पाएको थिएन । प्रदेशसभाको अर्काे बैठक चैत्र ८ गते १ बजे बस्ने गरी स्थगित भएको छ ।