काठमाडौं २१ कात्तिक । अमेरिकी राष्ट्रपतिय बहुचर्चित उच्च महत्वको चुनावमा उपराष्ट्रपति कमला ह्यारिस र पूर्व राष्ट्रपति डोनाल्ड ट्रम्पबीचको प्रतिस्पर्धामा रहेको छ । नोभेम्वर ५ विहानैबाट शुरु भएको निर्वाचन केही बेर अघिसम्म करिब दुई दर्जन राज्यहरूमा मतदान सकिएको छ। मतदान बन्द हुने राज्यहरूमा जर्जिया, पेनसिल्भेनिया र उत्तर क्यारोलिना जस्ता प्रतिस्पर्धात्मक राज्यहरू पनि छन् । ती राज्यका केही स्थानहरूमा मतदानको समय थप गरिएको थियो।
अहिलेसम्म ट्रम्प कम्तीमा नौ राज्यमा विजयी हुने प्रक्षेपण गरिएको छ भने ह्यारिस कम्तीमा पाँच राज्यमा विजयी हुने प्रक्षेपण गरिएको छ।

ट्रम्पले फ्लोरिडामा र न्यूजर्सीमा ह्यारिसले जित्ने प्रक्षेपण गरिएको छ भने दुवै उम्देवारले प्रारम्भिक केही राज्यहरूमा जित हात पारेका छन्। महत्वपूर्ण स्विङ राज्यहरूको नतिजा अझै घोषणा हुन बाँकी छ।
हालसम्म ह्यारिससँग ३५ इलेक्टोरल मतहरू छन् भने ट्रम्पसँग ९५ इलेक्टोरल मत छन् । निर्वाचित हुन २७० मत हुनु पर्दछ । जम्मा ५३८ इलेक्टोरल कलेज मतहरु रहेका छन् ।