काठमाडौं ३१ असार । केपी शर्मा ओली प्रधानमनन्त्री बनेको बारेमा भारतीय प्रभावशाली २ वटा अंग्रेजी दैनिकले सम्पादकीय नै लेखेर चासो प्रकट गरेका छन् । द हिन्दु र इन्डियन एक्सप्रेसले ओलीको चिनिया रुझानलाई उनले कसरी व्यवस्थापन गर्छन् भन्ने प्रश्न उठाइएको छ ।

द हिन्दुले नेपालको राजनीतिमा सिद्धान्तविहीन गठबन्धन’ भन्ने शीर्षकमा सम्पादकीय लेखिएको छ । सम्पादकीयमा पछिल्लो परिस्थितिले नेपालमा गठबन्धनको अस्थिरताको अन्त्य नहुने अवस्था देखिएको उल्लेख छ ।

द हिन्दुले विचार र सिद्धान्तमा आधारितभन्दा पनि शक्तिका निम्ति यो गठबन्धन गरिएको दाबी गरेको छ । यस्ता गतिविधिले नेपाली जनतामा निराशा मात्र ल्याउने त्यसमा चर्चा गरिएको छ ।

निचोडका रूपमा उसले नेपाल प्रत्यक्ष निर्वाचित राष्ट्रपति प्रणालीमा जाँदा राम्रो हुन सक्ने सुझाव पनि दिएको छ ।

अर्को दैनिक पत्रिका इन्डियन एक्सप्रेसको सम्पादकीयमा नेपालको पछिल्लो गतिविधिलाई नयाँ दिल्लीले होसियारीपूर्वक हेरिरहेको उल्लेख छ । निवर्तमान प्रधानमन्त्री पुष्पकमल दाहाल ‘प्रचण्ड’ले भारतको सद्भावलाई सकारात्मक रूपमा लिएको तर हिजो प्रधानमन्त्री बनेका केपी शर्मा ओली ‘हार्डलाइनर’ भएको र उनले सन् २०१५ को नाकाबन्दीमा प्रो–चाइना पोजिसन देखाएको जनाइएको छ । विवादास्पद नक्साका विषयमा ‘साउथ ब्लक’सँग राम्रो सम्बन्ध नभएको त्यसमा उल्लेख छ ।

चिनियाँ फुटप्रिन्ट’ नेपालमा बढिरहेको भन्दै इन्डियन एक्सप्रेसले भारत सबैभन्दा ठूलो व्यापारिक साझेदार भएको र करिब आठ मिलियन नेपाली भारतमा रहेर काम गरिरहेका स्मरण गरिएको छ ।

नयाँ दिल्लीले हिमाली देशको राजनीतिमा सूक्ष्म ढंगले पोजिसन लिनुपर्नेमा सम्पादकीयमा जोड दिइएको छ । काठमाडौंमा भएको पछिल्लो राजनीतिक हेरफेरलाई बेइजिङले आफ्नो फाइदाका निम्ति प्रयोग गर्न नसकोस् भन्ने निश्चितता खोज्नुपर्ने सुझाव पनि दिइएको छ ।
आइतबार प्रधानमन्त्री नियुक्त हुने वित्तिकै दि टाइम्स अफ इन्डियाले भने ओली भन्दै प्रचण्डको फोटो राखेर ससमाचार बनाएको थियो