फागुन १० । दक्षिण अफ्रिकाको इस्टर्न केप प्रान्तमा पाँच जना प्रहरी अधिकारी र एक जना सिपाहीको हत्या भएको छ ।

दक्षिण अफ्रिकाको सरकारी समाचार एजेन्सीले जनाए अनुसार तीन जना प्रहरी अधिकारीको प्रहरी स्टेसनमैलाइन लगाएर गोली हानी हत्या भएको हो । एक जना ड्युटीमा नभएका प्रहरी जवानलाई भने आक्रमणकारीले भाग्दै गर्दा गोली हानी हत्या गरेका छन् । त्यस्तै दुई जना प्रहरी अधिकारीलाई भने उनीहरुले कब्जामा लिएर हत्या गरेका हुन् ।

सरकारले जारी गरेको वक्तव्यमा उनीहरुको हत्या घाँटी रेटेर गरिएको बताइएको छ । नचिनेको हतियारधारीहरुको समूह बुधबार बिहान एकाएक उमटाटा नजिकै रहेको प्रहरी स्टेसनमा अन्धाधुन्ध गोली हानेका थिए ।

किन आक्रमण गरियो भन्ने अहिलेसम्म केही नखुलेको प्रहरीले बताएको छ । तर आक्रमण गर्नुभन्दा केही समय अगाडि आक्रमणकारीले एटीएम मेसिन चोरी गरेको शंका आक्रमणकारीले पाँच थान हतियारका सबथै एउटा प्रहरी भ्यान पनि लुटेर लगेका छन् ।

दक्षिण अफ्रिकी प्रहरीका कमिस्नर खेहला जोन सिटोलले हत्याराहरुलाई जुनसुकै हालतमा भए पनि पक्राउ गरी छाड्ने प्रतिवद्धता व्यक्त गरेका छन् ।

आम नागरिकले सामाजिक सञ्जालमा आक्रमणको निन्दा गरेका छन् ।