काठमाडौं । फिफा विश्वकपअन्तर्गत दोस्रो सेमिफाइनलमा फ्रान्सले मोरक्कोमाथि २–० को शानदार जित निकाल्दै फइनलमा प्रवेश गरेको छ ।
खेलको पाँचौं मिनेटमा नै फ्रान्सका थियो हर्नान्डेजले गोल गर्दै टोलीलाई अग्रता दिलाएका थिए । खेलको ७९ मिनेटमा एमवाप्पेकोपासमा कोलोमानीले दोस्रो गोल गरेका हुन् ।
फ्रान्सले मार्कस थुरामलाई आफ्नो सर्वकालीन सर्वाधिक गोलकर्ता ओलिभर जिराउडको लागि मैदानमा उतारेको थियो ।
खेलको ६५ औं मिनेटसम्ममा मोरक्कोका स्ट्राइकर युसेफ एन नेसिरीले बलको तीन टच मात्र गरेका थिए ।
मोरक्कोले शुरुमै अलिकति आफ्नो लय गुमाएको थियो, पहिलो पाँच वा सो मिनेट मै उनीहरु नर्भस बनेको थिए । के मोरक्कोले केही नयां मुभ र त्यो गति फेरि फर्काउन सक्लान भन्ने प्रश्न उठेको थियो ।

विश्व फुटबल जगतलाई मोहित पार्ने चर्को जितपछि मोरक्कोले विश्वकपको सेमिफाइनलमा च्याम्पियन फ्रान्ससँग प्रतिस्पर्धा गर्न उत्रेको थियो। लियोनल मेस्सीले क्रोएसियामाथि शानदार जित हात पारेको अवस्थामा विजेता फ्रान्सले फाइनलमा अर्जेन्टिनासँग खेल्नेछ।

फ्रान्सले उपाधिको लागि अर्जेन्टिनासँग खेल्नेछ।

अर्जेन्टिना यसअघि मंगलबार राति क्रोएसियालाई पराजित गर्दै फाइनलमा पुगिसकेको छ। यसअघि यी दुवै टोलीले समान २ पटक विश्वकप जितेका छन्।

१९९८ मा पहिलो पटक ब्राजिललाई पराजित गर्दै उपाधि जितेको फ्रान्सले गएको विश्वकपमा क्रोएसियालाई पराजित गर्दै दोस्रो पटक उपाधि उचालेको थियो।

अर्जेन्टिनाले १९७८ मा नेदरल्याण्ड्सलाई पराजित गर्दै पहिलो पटक उपाधि जितेको थियो। १९८६ मा जर्मनीलाई पराजित गर्दै अर्को उपाधि थप्यो। त्यसपछि २ पटक फाइनलमा पुगे पनि अर्जेन्टिनाले उपाधि थप्न सकेको छैन।

१९९० र २०१४ मा जर्मनीसँग फाइनलमा पराजित भएको थियो। त्यसअघि पहिलो विश्वकपमा पनि अर्जेन्टिना फाइनलमा पुगेको थियो। यो सँगै अर्जेन्टिना छैटौं पटक विश्वकपको फाइनल खेल्न लागेको हो।

फ्रान्स भने यसअघि फाइनलमा एक पटक मात्रै पराजित भएको छ। २००६ मा इटलीसँग पराजित भएको थियो। यो उसको चौथो फाइनल हो।

विश्वकप फुटबलमा यी दुई टोली तेस्रो पटक भेट भएका हुन्। पहिलो पटक १९७८ मा समूह चरणमा भेट हुँदा अर्जेन्टिनाले फ्रान्सलाई २–१ ले पराजित गरेको थियो।

गएको विश्वकपमा अन्तिम १६ मा भेट भएका थिए। जसमा फ्रान्सले अर्जेन्टिनालाई ४–३ ले पराजित गरेको थियो।

फ्रान्स लगातार दोस्रोपटक विश्वकपको फाइनलमा पुगेको हो । मोरक्को पहिलोपटक विश्वकपको सेमिफाइनलमा पुगेको अफ्रिकी टिम हो । खेलमा दुवै टिमका कसैले पनि कुने कार्ड खाएनन् ।