काठमाडौँ, ११ बैशाख । देशमा दैनिक दुई हजारभन्दा बढीको संख्यामा कोरोना भाइरस संक्रमितको संख्या बढ्दै गएको छ । विश्वव्यापीरुपमा फैलिएको दोस्रो चरणको कोरोना भाइरस महामारीबाट करिब १० हजारभन्दा बढीमा गरिएको पिसीआर परीक्षणमा दुई हजारभन्दा बढीमा कोरोना भाइरसको संक्रमण देखिएको छ । यससगै थप स्वास्थ्य सुरक्षा सतर्कता अप्नाउन स्वास्थ्यकर्मीहरुले सुझाव दिएका छन् ।

देशभर यतिबेला दैनिक दुई हजारभन्दा बढीको संख्यामा कोरोना संक्रमितको संख्या बढ्दैछ । यसमा पनि काठमाडौं उपत्यकासहित ललितपुर, भक्तपुर, मोरङ, पर्सा, बारा, चितवन, कास्की, बाग्लुङ, रुपन्देही, दाङ, बा“के, सुर्खेत र कैलाली लगायतका १४ जिल्लालाई अतिप्रभावित जिल्लाको रुपमा वर्गिकरण गरिएको छ । यी अतिप्रभावितक जिल्लाका मुख्य शहरी क्षेत्रमा विद्यँलय समेत सञ्चालन नगर्न शिक्षा, विज्ञान तथा प्रविधि मन्त्रालयले आग्रह गरेको छ । दोस्रो चरणको कोरोना भाईरसको संक्रमण १८ वर्ष मुनिका बालबालिकाहरुमा समेत देखा पर्दै गएपछि यसले थप चिन्ता पैदा गरेको छ । तसर्थ, बालबालिकाहरुमा पनि विशेषतः साबुन पानीले हात धुन, स्यानिटाइजर लगाउन, भीडभाडमा सकेसम्म नजान र गइहाले सामाजिक दुरी एवम् मास्कको प्रयोग गर्न स्वास्थ्यकर्मीहरुले अनुरोध गरेका छन् ।

विगतमा कोरोना भाइरसको संक्रमण बालबालिकामा देखा परेको थिएन । आमाको गर्भ रहेकै अवस्थामा शिशु अझ बढी सुरक्षित रहेको स्वास्थ्यकर्मीहरुले बताएका थिए । तर, दोस्रो चरणको कोरोना भाईरसको प्रकृति विगतको भन्दा फरक देखिएको छ । यससगै गर्भवती एवम् सुत्केरी महिलाहरुले पनि थप स्वास्थ्य सतर्कता अप्नाउन स्वास्थ्यकर्मीहरुले सुझाव दिएका छन् । त्यसो त, कोरोना भाईरस संक्रमणको जोखिमको हिसाबले प्राथमिकतामा परेकाहरुले पहिलो र दोस्रो चरणको कोरोनाविरुद्धको खोप लगाउने क्रम निरन्तर छ । तर खोप लगाएकाहरुमा पनि पुनः सक्तमणको जोखिम भने हुन्छ नै ।

यसका लागि खोप लगाईसकेकाहरुले पनि स्वास्थ्य सुरक्षा मापदण्ड अनिवार्यरुपमा पालना गर्न स्वास्थ्यविज्ञहरुले सुझाव दिएका छन् । दोस्रो चरणको कोरोना भाईरस संक्रमणदर बढेसगै स्वास्थ्य क्षेत्रमा समस्या देखा पर्दै गएको छ । दोस्रो चरणको कोरोना विगतकोभन्दा फरक प्रकृतिको देखिएका कारण पनि यसले थप चिन्ता पैदा गरेको हो । रोगप्रतिरोधात्मक क्षमता कम भएकाहरुमा यसखाले संक्रमणले छिट्टै प्रवेश पाउने झन् बढी खतरा भएका कारण दिर्घरोगी, अशक्त र वृद्धवृद्धाहरुले स्वास्थ्य सम्बन्धित थप सजगता अप्नाउन जरुरी छ । यससगै सरकार लगायत स्वास्थयकर्मीहरुले दिएको सुझाव अनिवार्यरुपमा पालना गरि कोरोना भाईरसको महामारीबाट आफू र अरुलाई बचाउन सजक रहनुपर्दछ ।