काठमाडौं, २७ साउन । शनिवार थप ७० जनमा कोरोना भाइरस संक्रमण पुष्टि भएको छ। यो सँगै नेपालमा संक्रमितको संख्या १६ हजार ७ सय १९ पुगेको छ। पछिल्ला दिनमा नेपालमा संक्रमित भेटिने दर घटदो क्रममा रहेको छ। लगातार तेस्रो दिन कम संक्रमित देखिएका हुन्।

आज ३ हजार ६ सय ४८ को पीसीआर गरिएको थियो। मंगलवार देखि यता गरिएको परीक्षणमा २४ घण्टाको रिपोर्टमा संक्रमित संख्या ३ सय कटेको छैन। शुक्रवार १८० जनामा कोरोना संक्रमणको पुष्टि भएको थियो भने आज शनिवार संक्रमित संख्या घटेर ७० पुगेको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार ७० जनामा संक्रमण देखिएको हो।

पछिल्लो २४ घण्टामा थप ४३१ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ८४४२ पुगेको छ।

कुल संक्रमितमध्ये ३८जनाको मृत्यु भएको छ। प्रवक्ता डा गौतमका अनुसार हालसम्म देशका सबै जिल्लामा संक्रमण देखिएको छ।