बुटवल, ३ फागुन
प्रदेश ५ सरकारको दोस्रो स्थापना दिवसका अवसरमा पुरस्कृत ब्यक्तिले नै कुन सन्दर्भमा आफु पुरस्कृत भएको हो भन्ने थाहा पाउन सकेनन् । बिशेष कार्यक्रमका साथ प्रदेश सरकारे प्रदेश स्थापना दिवस मनाएपनि समारोहमा उपस्थित कतिपयलाई के को कार्यक्रम हुंदैछ भन्ने कुरा थाहा नभएको पाईएको छ ।
प्रदेश ५ सरकारले आज प्रदेश स्थापनाको दोस्रो बार्षिक उत्सव भब्यरुपमा मनाएको छ । बाजागाजा सहित प्रदेशको अस्थायी राजधानी बुटवलको राजमार्ग चौराहाबाट निस्केको ¥याली झण्डै ४ किलोमिटर पार गरेर बुटवल बहुमुखी क्याम्पस पुगेर सभामा परिणत भएको थियो । मिनी नेपालको संज्ञा दिंदै आएको प्रदेश सरकारले प्रदेशको स्थाना दिवस पनि मिनी नेपालकै शैलीमा मनाएको छ । ¥यालीमा बिभिन्न जाती, समुदाय र भेषभुषामा सजिएका नागरिकहरुको ठूलो संख्यामा उपस्थिती रहेको थियो । नगरपालिकाको झांकी सहित आएको तिलोत्तमा नगरपालिकाको झांकीमा नगर प्रमुख बासुदेव घिमीरेको नृत्यले सबैको ध्यान खिचेको थियो । तर ¥याली मा उपस्थित हुने कतिपयहरुलाई भने ¥याली के का अवसरमा निकालिएको भन्ने नै थाहा थिएन ।
प्रदेश स्थानाकै अवसर पारेर प्रदेश सरकारले ३५ जना बिभिन्न क्षेत्रमा योगदान गरेका ब्यक्तिहरुलाई प्रदेश पदकले शुशोभित गर्नुका साथै बिभिन्न क्षेत्रका नागरिकहरुलाई पुरस्कृत समेत गरेको थियो । क्रीकेटका अन्तरराष्ट्रिय खेलाडी सन्जु चौधरी सहित धेरै खेलाडी स्थापना दिवसका अवसरमा पुरस्कृत भएका थिए । पुरस्कार लिए लगत्तै के को अवसरमा पुरस्कार पाउनु भयो भनेर प्रश्न सोध्दा चौधरीले दिएको थाहा छैन भन्ने उत्तरले स्थापना दिवसकै कद घटाईदिएको छ ।
त्यसो त पदक बितरणमा जनयुद्धमा परिवार गुमाएका देखि साहित्यमा योगदान पु¥याएका, सफल ब्यवसायी देखि परम्परागत कृषि उद्देमी सम्मका ब्यक्तित्व प्रदेश पदकबाट शुशोभित भएका थिए । २ छोरा जनयुद्धमा गुमाएका नेपाल कम्युनिष्ट पार्टी नेकपा बांकेका नेता अशोक रोकाया संकल्पले पदक प्राप्त गर्दा हिजो जुनयुद्ध लड्दा देखेका सपना साकार हुन थालेको अनुभुति भएको बताउंछन् ।
स्थापना दिवस समारोहलाई सम्बोधन गर्दै प्रदेश ५ सरकारका मुख्यमन्त्री शंकर पोखरेलले ७ वटा प्रदेशसमा बजेट परिचालनका हिसावले प्रदेश नम्बर ५ अग्र स्थानमा रहेको दोहो¥याए । उनले ४ महिनामा १८ प्रतिशत बिकास खर्च भएको दाबी गर्दै यो रफ्तारलाई कम आंकलन गर्न नहुने बताए ।
सरकारले गति लिन नसकेको टिप्पणी आउने गरेको प्रति मुख्यमन्त्री पोखरेलको असन्तुष्टी उनको सम्बोधनमा झल्केको थियो ।
सभा सुरुहुनु अघि प्रदेश प्रमुख धर्मनाथ यादवलाई नेपाली सेना, नेपाल प्रहरी र शसस्त्र प्रहरीको टुकडीले सलामी अर्पण गरेको थियो । प्रदेश स्थापनाको २ वर्षमा घोषित लक्ष्य हासिल गर्न प्रदेश सरकार सफल भएको मुख्यमन्त्रीको दाबी थियो । आर्थिक र सामाजिक क्षेत्रमा उल्लेख्य उपलब्धी गरेपनि प्रदेशको नाम र प्रदेशको स्थायी राजधानी तोक्न नसक्दा सरकारको आलोचना हुने गरेको छ ।