वझाङ्, २ भदौ । करिव एघार वर्ष देखी वन्द अवस्थामा रहेको वझाङ्गको देवल विमान स्थलको काम लगभग अन्तीम चरणमा पुगेको छ । विमान स्थल निर्माण भएको पैतालिस बर्ष पछी कालो पत्रेको काम लगभग अन्तीम अवस्थामा पुगेको हो ।

पहिले बझाङ जिल्लामा हवाई नियमित उडान हुदा आकस्मिक विरामीहरुका लागी निकै लाभदायी भएको थियो । जव जिल्लाको सदरमुकाम चैनपुरमा सडक सञ्जाल जोडिएपछी देवल विमान स्थल वन्द भएको हो । विमान स्थल वन्द हुदाँ यहाका स्थानीय वासिन्दाले निकै सास्ती खेप्नु परेको छ । हाल विमान स्थल कालो पत्रे हुदै गर्दा वझाङ्गी जनतामा निकै आशा पलाएको छ । विमान स्थल सुचारु भए पछि यहाँका पर्यटकीय स्थलहरु साईपाल हिमाल, मालिका गुफा, खप्तड, गुरैल झरना, सुर्मा सरोवर, ताल वड्डी, ज्यावन जस्ता पर्यटकिय स्थलहरुले आफ्नो पर्यटकीय महत्व अझै दर्शाउने छन् । कतिपय पर्यटकहरु विगतका दिनहरुमा गाडीमा आउने र सडकको बिग्रदो अवस्थाले दिकदार बनेका थिए भने, कतिपय पर्यटकहरु भित्रयाउन सकिएको थिएन ।

विमानस्थल कालो पत्रे हुनु मात्रै र विमान स्थल बन्नु मात्रै ठुलो कुरा होईन । बिमानस्थलमा नियमित उडान हुनु र बझाङी जनताले त्यसको उपयोग गर्न पाउनु नै ठुलो कुरा हुनेछ । निरन्तर हवाई उडान सञ्चालन हुन सक्यो भने आकस्मिक कामका लागि देवल विमान स्थल बझाङी जनताका लागि बरदान नै सावित हुनेछ । अहिले यहा“का स्थानीय वासिन्दा विरामी हुदा करिव दश घण्टा एम्वुलेन्सको यात्रा गरेर धनगढी गएर उपचार गर्नु पर्ने बाध्यतामा रहेका छन् । कतिपय विरामीको समयमै उपचार हुन नसक्दा वाटोमै मृत्यु हुने गरेको छ ।

छ सय पचास मिटर रन वय र २० मिटर चौडाई रहेको वझाङ्ग विमान स्थल २०७६ साल असार मसान्त सम्म सम्पन्न गर्ने लक्ष्य लिए पनि समयमै सम्पन्न हुन भने निकै मुिस्कल रहेको छ । अव भने निमार्ण कार्य छिटै सम्पन्न हुने बताउ“छन् साइड इन्चार्ज जनक प्रसाद उपाध्याए साइड इन्चार्ज । बिमानस्थलको काम लगभग अन्तिम चरणमा पुगेको छ । पार्कीङ एप्रोनको काम लगभग ७० प्रतिसत सकिएको उपाध्याय बताउ“छन् । बिमान स्थलको स्तरउनन्तीमा सबै सरोकारवालाको खवरदारी भने आवश्यक रहेको छ ।