काठमाडौं, २ भदौ । विद्युत प्राधिकरण लगातार तेस्रो वर्ष नाफामा गएको छ । १८ घन्टा सम्म लोडसेडिङको हुने बिगतको नजिरलाई अन्त्य गर्दै प्रधिकरणले यो साख आर्जन गरेको हो । लोडसेडिङ अन्त्य गरेको प्राधिकरण एक वर्षमै ७ अर्ब २० करोड नाफा आर्जन गर्न सफल भएको हो । प्राधिकरण कुलमानको आगमनसंगै नाफाको बाटोमा अगाडी बढेको हो ।
३ वर्ष अघि १८ घण्टा लोडसेडिंङ भोग्न विवश नेपाली अहिले त्यो अन्धकार युगवाट भने मुक्त भएका छन । बिद्युत अभावमा उद्योग धन्दा नै बन्द गर्ने अवस्थामा पुगेका उद्योगी व्यवसायीमा पनि अहिलेको अवस्थाले निकै हौसला प्रदान गरेको छ । यो संगै ३ वर्ष अघि घाटामा रह“दै आएको प्राधिकरण अहिले भने अबौ नाफा कमाउन सफल भएको छ । प्राधिकरणको नेतृत्व समाल्न आएका कुलमानकै व्यवस्थापिकीय क्षमताले अहिले बिद्युत प्राधिकरण उकृष्ठ संस्थानको रुपमा आगाडी आएको छ । नेपाल विद्युत प्राधिकरणले गएको आर्थिक वर्षमा ७ अर्ब २० करोड रुपैया नाफा गरेको छ । २०७३ भदौमा कुलमान घिसिङ कार्यकारी निर्देशकमा रुपमा प्राधिरकणमा प्रवेश गर्दा वार्षिक ८ अर्ब ८९ करोड घाटामा रहेको संस्था ३ वर्षमै चामत्कारीक सफलाता हासिल गरेको हो । नेपाल विद्युत प्राधिकरणले आफनो स्थापनाको ३४औं वार्षिकोत्सवका अवसरमा राजधानीमा आयोजना गरेको कार्यक्रममा उर्जा जलस्रोत तथा सिचाई मन्त्री वर्षमानपुनले प्राधिकरणले आफ्नो उत्कृष्ठ उपलब्धी देखाएको बताए । उनले अब प्राधिकरणको यात्रा संधै एक नम्बरको हुने दावी गरे ।
प्राधिकरणले अन्धकार युगबाट देशलाई उज्जालो युगमा प्रवेश गराएको छ । यति मात्र नभएर अहिले बिद्युत उत्पादन , प्रशारण, वितरण तथा विद्युत निर्यातमा समेत अगाडी बढिरहेको छ । बिद्युत प्राधिकणले चुहावट नियन्त्रण गरेर राम्रो नाफा दिन सफल भएको छ । प्राधिकरणमा कुलमानको आगमन संगै लोडसेडिङको अन्त्यका साथै ३ वर्षमा राम्रो आम्दानी समेत गर्न सफल भएको छ ।
कुलमानले प्राधिकरणमा जिम्मेवारी लिएको पहिलो वर्षमै डेढ अर्ब, दोश्रोमा करिब ३ अर्ब रुपैया र अहिले ७ अर्ब रुपैया भन्दा बढि नाफा कमाएको छ । यसबाट के देखिन्छ भने कुशल व्यवस्थापन देखि चुहावटमा गरिएको नियन्त्रणले एउटा रुग्ण संस्था पनि छोटो समयमै अब्बल बन्न सक्छ ।
प्रतिक्रिया दिनुहोस्