अर्घाखाँची, १७ असार । अर्घाखाँची जिल्लाको शीतगंगा नगरपालिकामा कांग्रेस माओवादी गठबन्धन विजयी भएको छ । गठबन्धनबाट कांग्रेसका मेयर पदका उम्मेदवार सूर्यप्रसाद अधिकारी ८६७७ मत प्राप्त गरी विजयी हुनुभएको हो । अधिकारीका प्रतिद्वन्द्वी एमालेका बसन्त श्रेष्ठले ६१०२ मत ल्याउनुभएको थियो ।
उपमेयर माओवादीका टीका रेश्मीको ७१२८ ल्याई विजयी हुनुभएका हो । रेश्मीका प्रतिद्वन्द्वी गीता भाटले ६१३३ मत ल्याउनुभएको थियो । मेयरमा २५७५ र उपमेयरमा ९९५ मतको अन्तर रहेको छ ।
अधिकारी नेपाली कांग्रेस को १२ र १३ औ महाधिवेशनबाट महासमिती सदस्य भई काम गरेका थिए ।
अर्घाखाँचीको छत्रदेव गाउँपालिकाको प्रमुख र उपप्रमुखमा नेपाली कांग्रेस विजयी भएको छ । नेपाली कांग्रेसबाट अध्यक्षमा लेखनाथ पोख्रेलले ६१६७ मत र प्रतिद्वन्द्वी ऋषि अधिकारीले ५०६५ मत ल्याउनुभएको छ ।
उपाध्यक्षमा कांग्रेसका तुल्सा देवी श्रेष्ठले ६१९० मत प्राप्त गर्नुभएको छ भने प्रतिद्वन्द्वी मनिषा पन्थीको ४६१६ मत प्राप्त गर्नुभएको छ । अध्यक्षमा ११०२ मतको अन्तर र उपाध्यक्षमा १५६५ मतको अन्तर परेको छ ।