पाल्पा,१० चैत । आज देखिको सुरु भएको माध्यमिक शिक्षा परीक्षा (एसईई)दिने एक विद्यार्थीले झुण्डिएर आत्महत्या गरेका छन् ।

जिल्लाको बगनासकाली गाउँपालिका वडा नं.६ यम्घा गुँगा भुटेकेकी १६ वर्षकी मनिषा विकले काठको बलोमा चुन्नीको पासो लगाएर आत्महत्या गरेको भेटिएको जिल्ला प्रहरी कार्यालय पाल्पाले जनाएको छ ।

स्थानीय गुंगा माध्यमिक विद्यालयबाट एसईई परिक्षा तयारी गरेकी विकको आजदेखि दर्लमडाँडा माविमा परीक्षा केन्द्र रहेको थियो । घरमा एक्लै बस्दै आएकी विकको बाबु मुक्तबहादुर नेपाली वैदेशिक रोजगारीका लागी कुवेतमा रहेको र घरमा तिन बैहिनी र आमा बस्दै आएका छन ।

आमा र दुई दिदी बहिनी उपचारको लागि बुटवल गएका बेला मनिषा घरमा एक्लै बसेको समयमा घरमा झुण्डि आत्महत्या गरेको प्रहरीको प्रारम्भिक अनुसन्धानको क्रममा खुलेको छ । घटनाको विषयमा थप अनुसन्धान कार्य जारी रहेको जिल्ला प्रहरी कार्यालय पाल्पाले जनाएको छ ।