जनताले प्रजातन्त्र ल्याए प्रजातन्त्रै लुटियो,
गणतन्त्र ल्याए, गणतन्त्रै लुटियो,लुटै लुटको भीडमा
बुटै बुटको बज्रपात सबै भन्दा बढी
त्यही नारीले भोगिन होला
सहिन होला अनि रोइन होला
जुन हाम्रो मुलुकमा ताजै छ ।

बोलु तँ बोल्न रोक लगाउन थालियो
खोलु त मन को कुरा ठाउँ बन्द भइसक्यो
पुरुषै सर्वै सर्वा उ नै राजा अधिकार सम्पन्न संबिधान
आखिर उसकै लागि भयो, जो दलाल र भ्रष्ट छ,
कानुन उस्कै बसमा छ, जुन हाम्रो मुलुकमा ताजै छ ।

लुटिएको लोकतन्त्र जनताको होईन रैछ,
उत्पिडनमा पर्नेको शक्ति सत्ता होइन रैछ ।
महिला महिला कै दर्जामा, दलित दलित कै दर्जामा,
खै लडेर अहिले सम्म के ल्याए छौं र हाम्रा लागि ।
मधेस मधेस मै मार्कामा,सुदुर सुदुरकै मार्कामा ।
जो स्वार्थी फटाहा छ ,दम्भ घमण्ड उसकै छ,
जुन हाम्रो मुलुकमा ताजै छ ।

जनता सँग झुठको खेती लगाएर,
लड्नसम्म लडाए जुधाए र भिडाए ।
हिजो हजुरबा हजुरआमा,
बाबा आमा र आज हामी लडिरहेका छौं,
बाँकी अब हामी सँग के नै छ र ।
बस थकान ,पिडा ,अभाव ,
उत्पिडन अनि क्रान्तिकारी स्वभाव,
जुन हाम्रो मुलुकमा ताजै छ ।