काठमाण्डौं ५, असोज । बुधबार मलेसियामा नेपाली दुतावासले साँस्कृतिक कार्यक्रमसहित संविधान दिवस मनाएको छ । मलेसियाका स्वास्थ्य उपमन्त्री दातो डा. हिलमि विन याहायोलेको प्रमुख आतिथ्यमा उक्त दिवस मनाइएको हो ।

कार्यक्रममा वोल्दै मलेसियाका लागि नेपाली राजदुत डा. निरन्जन मानसिं वस्न्यातले नेपालको नयाँ संविधान जारी भएको दुई वर्ष पुगेको अवसरमा नेपालीहरुको थप प्रगति समृद्धि तथा उज्यालो भविश्यको कामना गरेका थिए । साथै उनले नेपाल र मलेसियाको द्धिपक्षीय सम्वन्ध दिनानुदिन प्रगाढ हुँदै गइरहेको चर्चा गर्दै यो सम्वन्ध जनस्तरमा समेत विस्तार गर्नमा ठूलो सख्यामा मलेसियामा कार्यरत नेपाली श्रमिकहरुले महत्वपूर्ण योगदान रहेको चर्चा गरेका थिए ।
सोही समारोहमा सहादत प्राप्त गरेका नेपाली गोर्खा सैनिकहरुको संझनामा गोर्खा स्मारक निमार्ण गरी र्पुयाएको योगदानको सम्मान स्वरुप दातो आर थम्विपिलेलाई डा वस्न्यातले प्रशशां पत्रसहित सम्मान गरेका थिए ।

समारोहमा मलेसिया सरकारका उच्च पदस्थ अधिकारीहरु, मलेसियास्थित विभिन्न मुलुकका राजदुतहरु तथा कुटनितिक निकायका पदाधिकारीहरु,एनआरए मलेसियाका पदाधिकारीहरु, मलेसियामा रहेका नेपाली समुदायहरु,ब्यवसायिहरु,तथा विभिन्न संघसंस्थाका प्रतिनिधिहरुको सहभागिता रहेको थियो ।

समारोहमा हिमाल पहाड तथा तराईका सास्कृतिक नाँचहरु तथा नेपालको पर्यटकीय सौन्दर्य झल्कने श्रब्य दृश्य सामाग्रिहरुको पस्तुत गरिएको थियो ।