काठमाण्डौं ५, असोज । दशैका बेला हुने मासुको मुल्यको अनियमिततालाई रोक्न नेपाल खाध्य संस्थानले खसी, बोका तथा च्याङ्ग्राको मुल्य निर्धारण गरेको छ ।
संस्थानले प्रतिकिलो बोकाको रु ४५०, खसीको रु ४५५ र च्याङ्ग्राको रु ६७५ मुल्य तोकेको छ । आजबाट बजारमा सोही मुल्यबाट कारोबार हुदैछ ।

दशैका बेलामा संस्थानले उपत्यकामा विभिन्न स्थानबाट स्वस्थ खसीबोका तथा च्याङ्ग्रा काठमाडौमा ल्याउने गरेको छ । यस वर्षको दशैको लागि मुस्ताङबाट मात्र ५०० च्याङ्ग्रा आइसकेको छ र अरु ५०० च्याङ्ग्रा आउने क्रममा रहेको छ । त्यसैगरी दाङ र हेटौँडाबाट एकहजार ५०० खसी ल्याउन लागेकोमा वर्षाका कारण केही बाटोमा रोकिएका छन् भने २०० खसी काठमाडौमा आइसकेका छन् ।

खसी, च्याङ्ग्रा यही असोज १० गतेसम्म थापाथलीस्थित संस्थानको गोदामबाट बिक्री वितरण गरिदै छ । अहिले गोदाममा खसीबोका तथा च्याङ्ग्रा खरिद गर्न आउनेको चहलपहल बढेको छ ।