सप्तरी, ३० भदौं । मधेसी दलको पकड क्षेत्र मानिने दुई नम्बर प्रदेशमा निर्वाचनको रौनक बढेको छ । सबै राजनीतिक दल भोट माग्न गाउँ–गाउँ छिरेका छन् । चुनावी अभियान नपुगेको कुनै घर छैन । राजनीतिक दलका उम्मेदवार आकर्षक चुनावी नारा सहित मतदातासम्म पुगिसेका छन् । मधेसी दलको पकड क्षेत्र मानिए पनि दुई नम्बर प्रदेशमा अन्य दल पनि कमजोर छैनन् ।
तीन ठूला दल सहित साना दलका उम्मेदवार पनि दुई नम्बर प्रदेशका बलिया प्रतिस्पर्धी हुन । त्यसैले दुई नम्बर प्रदेशमा कडा प्रतिस्पर्धा हुने निश्चित छ । दुई नम्बर प्रदेश भित्र पनि सप्तरी मधेसी दलको सबैभन्दा पकड क्षेत्र हो । सबै दलले प्रतिष्ठानको विषय बनाएको सप्तरीमा पनि निक्कै रोचक प्रतिस्पर्धा हुने देखिन्छ ।

मधेस अन्दोलनको केन्द्र भएकाले दुई नम्बर प्रदेशको सप्तरी स्वभाविक मधेसी दलको प्रतिष्ठाको जिल्ला हुनसक्छ । मधेसी दलको पकड खोस्ने अन्य दलको तयारी सामान्य छैन । सबै दल निर्वाचन जित्न बेजोड लागिपरेका छन् । सप्तरीमा ९ नगरपालिका र ९ गाउँपालिका छन् । यी सबै स्थानीय तह सबै राजनीतिक दलका लागिका लागि महतवपूर्ण हुन । तर, राजनीतिक दलका लागि सप्तरीको राजविराज नगरपालिका प्रतिष्ठाको स्थानीय तह बन्न पुगेको छ । त्यसैले यो नगरपालिकाको नेतृत्व गर्न राम्रै राजनीतिक छवि बनाएका पनि चुनावी प्रतिस्पर्धामा छन् ।

यस्ता छन् राजविराजका मेयर उम्मेदवार :

नेपाली कांग्रेसले राजविराज नगरपालिकामा पुराना कांग्रेस कार्याकर्ता ध्रुब देवलाई मेयरको उम्मेदवार बनाएको छ । विद्यार्थी कालदेखी नै कांग्रेस राजनीतिमा सक्रिय देव पछिल्लो सयम एनजिओ संचालक हुन । तर, नेपाली कांग्रेसले स्थानीय तहको निर्वाचन जित्नका लागि देवलाई बलियो उम्मेदवारको रुपमा अघि सारेको हो । सामाजिक कार्यमा कृयाशील देव आफ्नो जित सुनिश्चित रहेको दावी गर्छन् ।

नेकपा एमालेले राजविराज नगरपालिकामा मेयरको रुपमा पूर्व कर्मचारी सुखराम यादवलाई अघि सारेको छ । बैंकमा लामो समय जागिर खाएका सुखराम जिगिरे हुँदा पनि राजनीतिमा सक्रिय थिए । मधेस अन्दोलनबाट राजनीतिमा स्थापित सुखरामले मलेठ घटनापछि संघीय समाजवादी फोरम त्यागेर एमाले रोजेका हुन । मेयरका उम्मेदवार सुखराम यादव राजविराजका मतदाताले आफुलाई निर्वाचित गराउने दावी गर्छन् ।

राजविराजको नेतृत्व गर्न अघिसरेका मध्ये माओवादीका उम्मेदवार अनिस अंसारी राजनीतिमा राम्रै स्थान बनाएका व्यक्ति हुन । उनले प्रधानपञ्च हुँदै सहयक मन्त्रीको रुपमा समेत काम गरिसकेका छन् । यस पटकको निर्वाचनमा उनी राजविराजको नेतृत्व गर्न अघि सरेका छन् । विगतमा गरेको योगदानकै आधारमा यस पटक आफुले निर्वाचन जित्ने उनको दावी छ ।

राष्ट्रिय जनता पार्टीले आफ्नो पकड क्षेत्र सप्तरीको राजविराजमा शम्भु यादवलाई मेयरको उम्मेदवार बनाएको छ । लामो समयदेखी मधेस राजनीतिमा सक्रिय सम्भु यादवलाई राजपाले बलियो उम्मेदवारको रुपमा अघि सारेको हो । स्थानीय तहमा राम्रो पडक हुनुका साथै युवा वर्गमा सम्भु यादव लोकप्रिय छन् । सप्तरीमा मधेस आन्दोलनलाई नेतृत्व गरेका यादव आफ्नो आफु मधेसी नागरिकको प्रतिनिधि रहेकाले जित सुनिश्चित रहेको दावी गर्छन् ।

मधेस आन्दोलनको लिगेसी बोकेको संघीय समाजवादी फोरम नेपालले भिमराज यादवलाई मेयरको उम्मेदवार बनाएको छ । भिमराज पहिला सद्भावना पार्टीका नेता थिए । तर, स्थानीय तहको निर्वाचनमा मेयरको उम्मेदवार बानाउने भएपछि भिमराज संघीय समाजवादी फोरम नेपाल प्रवेश गरेका हुन । संघीय समाजवादीको समेत राम्रो क्षेत्रको रुपमा मनिएको राजविराजबाट मेयरका उम्मेदवार बनेक यादव आफ्नो जित सुनिश्चित रहेको दावी गर्छन् ।

विजयकुमार गच्छदार नेतृत्वको नेपाल लोकतान्त्रिक फोरमले राजविराजमा पूर्व मेयर शैलेस चौधरीलाई चुनावी मैदानमा यतारेको छ । चौधरी, नेपालमा पहिलो पटक भएको नगरे निर्वाचनमा राजविराजमै मेयर निर्वाचित भएका थिए । मेयरको रुपमा पुरानो अनुभव भएक चौधरी आफ्नो उम्मेदवारीबारे यस्तो बताउँछन् ।

चुनावी मैदानमा रहका कुनै पनि उम्मेदवारले म पराजित हुन्छु भन्दैनन् । त्यसैले, सबै उम्मेदवारले जित्ने दावी गर्नु स्वभाविक हो । तर, हार र जित मतदातामा निर्भर रहने भएकाले स्थानीय स्तरमा लोकप्रिय उम्मेदवार नै निर्वाचित हुने निश्चित छ । राजविराज नगरलाई पाँच वर्ष नेतृत्व गर्ने अवसर कसले पाउने हो । त्यो भने असोज दुई पछि मात्र थाहा हुने छ ।
राजविराजलाई नेतृत्व गर्न चुनावी मैदानम रहेको सबै उम्मेदवारको चुनावी एजेण्डा राम्रो छ ।

सबै उम्मेदवारले समृद्ध स्थानीय तहको मुद्धा अघि सारेका छन् । तर, चुनावको बेला बनाएको आकर्षक घोषणापत्र या नाराकै भरणमा आम नागरिकले मतदान गर्छन् भनने के ग्यारेन्टी ? अथवा चुनावी नारकै भरमा आम नागरिकले मतदान गरेर कुनै एक उम्मेदवारलाई जनप्रतिनिधि बनाए पनि ति व्यक्तिले आफ्ना सबै चुनावी एजेण्डाहरुलाई कार्यान्वयन गर्छ भन्ने के विश्वास ? लामो समयदेखी आम नागरिक र राजनीतिक नेतृत्वबीच यस्तै अविश्वासको परिस्थिति बनेको छ । त्यसैले यस पटकको निर्वाचनमा आम नागरिकको च्वाइस फरक हुनसक्छ ।