काठमाडौं,४ कात्तिक । दशैं मनाउन काठमाडौंबाहिर गएको सर्वसाधरण फर्किने क्रमसंगै उपत्यकामा चहलपहल बढ्न थालेको छ ।

विजया दशमीको टीकाको भोलिपल्टबाट नै सर्वसाधरण राजधानी फर्कन थालेका हुन् । राजधानी भित्रने क्रम बढेपछि राजधानी छिर्ने मुख्य नाका कलंकी र कोटेश्वरमा सवारी साधन र सर्वसाधारणको चहलपहल बढेको छ ।

यस वर्षको दशैंमा करिब २५ लाख सर्वसाधरण काठमाडौं उपत्यकाबाट बाहिरिएका थिए । उनीहरु क्रमशः अहिले राजधानी भित्रने क्रम सुरु भएको छ ।
आइतबारदेखि सरकारी कार्यालयहरु खुल्ने भएकाले पनि उपत्यका भित्रिनेहरुको संख्या बढेको छ ।