चितवन,२६ असोज । स्थानीय तहको चुनाव सकिएको १७ महिनापछि नेपाली कांग्रेसका सभापति शेरबहादुर देउवा र चितवनको भरतपुर महानगरपालिकाकी मेयर रेणु दाहाल एउटै मञ्चमा भेट भएका छन ।

प्रेस युनियनले शुक्रवार आयोजना गरेको कार्यक्रममा प्रमुख अतिथिको रूपमा देउवा उपस्थित थिए भने रेणु अतिथिको रूपमा उपस्थित भएकी थिइन् ।

भरतपुर महानगरकी मेयरकी उम्मेदवार रेणुलाई जिताउन अध्यक्ष पुष्पकमल दाहाल प्रचण्डसँग जहाजको एउटै सीटमा बसेर देउवा २०७४ वैशाख २८ गते भरतपुरमा पुगेका थिए । छोरीलाई जिताउन प्रचण्डले देउवालाई लिएर चुनावी सभामा गएको विषय चर्चामा आएको थियो ।

रेणुले देउवालाई नमस्कार गरेता पनि उनीहरूबीच केहि कुरा कानी भलाकुसारी नभएको बताइएको छ ।