पोखरा १८ असोज । गत असोजको ८ गते बलत्कारको प्रयास पछि विभत्स हत्या भएकी श्रेया बिक सुनारको परिवारलाई कास्कीमा क्रियाशिल पत्रकारहरुले सहयोग गरेका छन ।
केभसिटी मिडियाले प्रथम पटक आयोजना गरेको भलिबल प्रतियोगितामा केभसिटी मिडियाले उपबिजेता भएवापत पाएको पुरस्कार राशी नगद २२ हजार २ सय २२ रुपैया श्रेयाको परिवारलाई प्रदान गरेको हो ।
उक्त रकम श्रेयाको घरमा पुगी उनकी आमा वेल कुमारी बिक, ठूलो बुवा मिन बहादुर बिक र हजुरवुवा तिलक बहादुुर बिकलाई मिडियाका अध्यक्ष दुर्गा प्रसाद आचार्य, कास्की प्रहरी प्रमुख उपरीक्षक ओम बहादुर राना मगरले नगद प्रदान गरेका थिए ।
सो अवसरमा बोल्दै कास्की प्रहरी प्रमुख उपरीक्षक ओम बहादुर राना मगरले हत्यारा पक्राउ परिसकेकाले अव कानुन अनुसारनै हत्यारा कुसुम पौडेललाई जन्मकैद र हदै सम्मको कारबाही गर्ने प्रतिवद्धता ब्यक्त गर्दै पिडित परिवार प्रति धैर्यधारण गर्न आग्रह गरे ।
सो अवसरमा बोल्दै मृतककी ठूलो वुवा मिन बहादुर बिकले घटनामा पक्राउ परेका कुसुमलाई मुलुकको कानुन अनुसार कारबाही गर्न कास्की प्रहरी प्रमुख ओम बहादुर राना मगरलाई आग्रह गर्दै दुखको वेलामा केभसिटी मिडियाले आर्थिक सहयोग गरेर पु¥याएको सहयोग प्रति धन्यवाद प्रकट गरे ।
केभसिटी मिडियाका संचालक भिम थापाले गत असोज ८ गते हत्या भएकी श्रेया बिकको परिवारको आर्थिक स्थिती अतिनै दयनिय अवस्थाको रहेको र उनको आमा पनि विरामी भइरहने गरेको थाहा पाएपछि आफुहरुले आयोजना गरेको मिडियाकप भलिवल प्रतियोगितामा दोश्रो स्थान हासिल गरी पाएको पुरस्कारलाई सामाजिक काममा खर्च गर्नुपर्छ भन्ने ठानेर उनकै घरमा पुगेर सहयोग रकम हस्तान्तरण गरिएको वताए ।
मिडियाको काम समाचार सम्प्रेसण मात्र नभइ सामाजिक कामपनि भएकाले आफुले सक्ने सहयोग गर्नुपर्छ भन्ने सन्देश प्रदान गर्नका लागी पनि केभसिटी मिडियाले आगामी दिनमा यस्ता कामलाई निरन्तरता दिने समेत थापाले वताए ।
उक्त अवसरमा केभसिटी मिडियाको तर्फबाट मिडियाकप भलिवल प्रतियोगितामा सहभागी पत्रकारहरुको सहभागीता रहेको थियो । यसैविच बुधवार मृतक श्रेयाको शव आफन्तले बुझी पोखराको रामघाटमा दाहसंस्कार गरिएको छ ।
प्रतिक्रिया दिनुहोस्