काठमाडौं,१४ असोज । बलात्कार पछि हत्या गरिएकी कञ्चनपुरकी १३ वर्षीया बालिका निर्मला पन्तकी आमा दुर्गादेवी पन्तले आफ्नी छोरीको हत्या भएको ६६ दिन बितिसक्दा पनि हत्यारा पत्ता नलाग्दा चिन्ता बढेको बताएकी छन् ।

उनले लामो समयसम्म पनि हत्यारा पत्ता नलाग्नुले आफूहरुलाई धेरै नै चिन्तित बनाएको बताएकी हुन ।

एसपी डिल्लीराज विष्टसहित तिन जनाको डीएनए रिपोर्ट निर्मलासँग म्याच नखाएपछि उनको यस्तो प्रतिक्रिया सार्वजनिक भएको हो ।

उनले भनिन् प्रधानमन्त्री केपी शर्मा ओली र गृहमन्त्री ९रामबहादुर थापा (बादल)लाई भेटेर आएको पनि १५ दिन बितिसक्यो । उहाँहरुले हामी यो घटनाले दुःखी भएको छौं अपराधी चाँडै पत्ता लाग्छ भने पनि अझै अत्तोपत्तो नभएको बताइन ।

छानविन समितिले सरकारलाई बुझाएको प्रतिवेदनमा के छ त्यो हामीलाई हेर्न पनि दिइएको छैन् । तर, आशा छ सबैको सहयोगले छोरीले न्याय पाउँछिन् ।अब प्रहरीले अपराधी समात्न सक्ला कि नसक्ला भन्दै उनले आशंका व्यक्त गरेकी छन् ।