काठमाडौं, २२ भदौं । नेपालका विभिन्न राजनीतिक दलका नेताहरुले गर्ने विदेश यात्रा बेलाबेलामा विवादित बन्ने गरेको छ । विदेश भ्रमण मात्र होइन, विदेशमा दिएको अभिव्यक्तिसमेत विवादमा पर्ने गरेको छ। हालै प्रधानमन्त्री शेरबहादुर देउवाले भारत भ्रमणका क्रममा दिल्लीमा दिएको अभिव्यक्ति पनि विवादमा पर्‍यो ।

प्रधानमन्त्रीको अभिव्यक्ति विवादमा परेलगत्तै कांग्रेसले माधवकुमार नेपालको उत्तर कोरिया भ्रमणमाथि प्रश्न उठाएको थियो । तर, नेकपा एमालेका नेता माधवकुमार नेपालले भने आफू सरकारसाग अनुमति लिएरै उत्तर कोरिया भ्रमणमा गएको दावी गरेका छन् ।

नेकपा एमालेका नेता माधवकुमार नेपालले कूटनीतिक अज्ञानताका कारण काँग्रेस नेता विमलेन्द्र निधिले आफ्नो उत्तर कोरिया भ्रमणको विरोध गरेको दावी गरे । नेपालले उत्तर कोरिया नेपालको कुटनीतिक सम्बन्ध स्थापना भइसकेको मुलुक भएकाले पनि त्यसको भ्रमणमा जान नपाउने कुनै कारण नरहेको तर्क गरे । बिहीबार काठमाडांैमा भएको बदलिादो विश्व परिवेशमा नेपालको विदेश नीति विषयक अन्तरक्रिया कार्यक्रममा बोल्दै नेता नेपालले मन्त्री भइसकेका निधिले उत्तर कोरिया भ्रमणमा आफू गएको विषयमा आपत्ति जनाएकोमा आश्चर्यसमेत प्रकट गरे ।

नेता नेपालले नेपालको परराष्ट्र नीतिलाई सामयिक बनाउनु पर्नेमा पनि बताए । कार्यक्रममा बोल्दै नेपाली कााग्रेसकी नेतृ सुजाता कोइरालाले नेपालको परराष्ट्र नीति कमजोर भएको स्वीकार गरिन् । पूर्व परराष्ट्रमन्त्री समेत रहेकी नेतृ कोइरालाले सरकार बदलिरहेका कारण नेपालको परराष्ट्र नीति पनि कमजोर बन्न गएको बताइन् ।

नेकपा माओवादी केन्द्रका नेता शक्ति बस्नेतले परराष्ट्र नीतिलाई साझा नीतिको रुपमा स्थापित गराउनुपर्ने चुनौति रहेको बताए । बस्नेतले असमान सन्धि सम्झौतालाई सुधार गर्दै लैजान पनि परराष्ट्र नीतिले जोड दिनुपर्ने आवश्यकता औंल्याए ।

नेता बस्नेतले विगतमा भएका असमान सन्धि, सम्झौताका कारण नेपालले अन्य राष्ट्रसाग झुक्नुपर्ने अवस्था रहेको बताए । विदेश जानु आउनु एउटा प्रक्रिया हो । तर, त्यसको पनि एउटा विधि निर्धारण गर्नुपर्ने आवश्यक छ। नेताहरु विदेश जाादा दिने अभिव्यक्ति र प्रदर्शन गर्ने व्यवहारले राष्ट्रकै प्रतिनिधित्व गर्ने भएकाले यसमा सचेतता अपनाउनु भने जरुरी छ । यसका लागि राज्यले ठोस नीतिसमेत बनाउनु आवश्यक देखिएको छ ।