काठमाडौं,८असोज । पूर्व प्रधानमन्त्री एवं नेपाल कम्युनिष्ट पार्टी(नेकपा)का नेता झलनाथ खनालले संविधानको भावना अनुसारको ऐन कानुन बनाउनुपर्ने बताउनुभएको छ ।

नागरिकता विद्ययेक बिरुद्ध आन्दोलन समन्वय समितिले सोमबार काठमाडौमा आयोजना गरेको अन्तक्र्रिया कार्यक्रममा नेता खनालले केहि ऐन कानुनप्रति टिकाटिप्पणी हुन थालेको भन्दै यसलाई संविधानको भावना अनुरुप जनतामैत्री बनाउनुपर्नेमा जोड दिनुभयो । उहाले विभिन्न ऐनमा देखिएका त्रुटिहरु संसोधनको माध्यमबाट सदनबाट सच्चाईनुपर्ने जिकिर गर्नुभयो ।

सम्पूर्ण देशलाई निर्देशीत गर्ने नागरिका विद्ययेक आउनुपर्ने भन्दै उहाले कुनै पनि नेपाली नागरिकताबाट बञ्चिन हुन नहुने र कोहि विदेशीले नेपाली नागरिकता पाउन नहुने धारणा राख्नुभयो ।

खनालले मुलुकलाई सास्कृतिक आर्थिक राजनीतिक र सामाजिक प्रक्रिया अघि बढाउन तथा नागरिकता विहीनका विषयमा संविधानले देखाएको मार्गदर्शनका आधारमा अघि बढ्नुपर्ने जिकिर गर्नुभयो । संविधान कार्यान्वयनको प्रक्रियामा मुलुक अघि गईसकेको भन्दै सबै गम्भीर भएर लाग्नुपर्ने उहाको भनाई छ ।

त्यस्तै राष्ट्रिय जनमोर्चाका अध्यक्ष चित्रबहादुर केसीले विदेशी नागरिकलाई वंशजको आधारमा नागरिकता दिने षड्यन्त्रसहित नागरिकतासम्बन्धि विधेयक ल्याइएको भन्दै त्यसलाई फिर्ता लिन पनि सरकारसँग माग गर्नुभयो ।

कार्यक्रममा नागरिकता विद्ययेक विरुद्ध आन्दोलन समन्वय समितिले नागरिकता विद्ययेक राष्ट्रिय हित विपरितको भएको भन्दै यसलाइ स्थागन गर्नुपर्ने र अधिकार सम्पन्न नागरिकता छानविन आयोग गठन गर्नुपर्ने माग गरेको छ ।