काठमाडौं, ५ असोज । नेपाल कम्युनिष्ट पार्टी (नेकपा)ले सातवटै प्रदेशमा प्रदेश ईन्जार्च , सह-ईन्चार्ज , अध्यक्ष र सचिवको टुङ्गो लगाएको छ ।
प्रधानमन्त्री निबास बालुवाटारमा शुक्रबार बसेको नेकपा सचिवालय बैठकले तल्लो कमिटिलाई एकतावद्ध गर्ने जिम्मेवारी दिदै प्रदेश ईन्जार्च , सह–ईन्चार्ज , अध्यक्ष र सचिव तोकेको हो ।
नेकपाले प्रदेश नंवर १ को ईन्चार्जमा भीम प्रसाद आचार्य , २ मा सत्यनारायण मण्डल , ३ मा अष्टलक्ष्मी शाक्य र ४ मा पिएस गुरुङलाई जिम्मेवारी दिने निर्णय गरेको हो ।
त्यस्तै प्रदेश नंवर ५ को ईन्चार्जमा शंकर पोखरेल , ६ मा जनार्दन शर्मा र प्रदेश नंवर ७ को जिम्मेवारी भीम बहादुर रावललाई दिने निर्णय गरेको नेकपा नेता ईश्वर पोखरेलले जानकारी दिनुभयो ।
बैठकले सर्वसम्मत रुपमा सातवटै प्रदेशमा प्रदेश ईन्जार्च , सह–ईन्चार्ज , अध्यक्ष र सचिवको टुङ्गो लगाईएको भन्दै पोखरेलले तल्लो तहमा एकताका लागी देखिएको समस्यालाई समाधान गर्दे एकताप्रक्रिया अघि बढाउने जिम्मा दिईएको बताउनुभयो ।
त्यस्तै बैठकमा अध्यक्ष पुष्पकमल दाहालको चीन र भारत भ्रमणका बिषयमा र अर्का अध्यक्ष एवं प्रधानमन्त्री केपी शर्मा ओलीको भोलीबाट हुने अमेरिका भ्रमणबारे सचिवालय बैठकलाई सामान्य जानकारी गराउनुभएको बताईएको छ ।
प्रतिक्रिया दिनुहोस्