काठमाडौं,४ असोज । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आफ्नो चीन भ्रमण सफल भएको दाबी गरेका छन् ।
बुधबार राति चीन भ्रमणबाट नेपाल फर्किएका प्रचण्डले विमानस्थलमा पत्रकारहरुसँग चीन जाँदा लिएको उद्देश्य पूरा भएको बताए ।
अध्यक्ष प्रचण्डले आफ्नो भ्रमण पार्टी–पार्टी बिच र सरकार–सरकारबीच सम्बन्ध बिस्तार गर्न सफल भएको बताएका छन ।
दुवै देशमा कम्युनिष्ट पार्टीको सरकार, दुवै सरकारको लक्ष्य विकास र सम्वृद्धि भएकोले विकास सहायतामा समान बुझाइ बनेको उनले बताए ।
प्रधानमन्त्री केपी ओलीले चीन भ्रमण गर्दा भएका विकास सहायता समझदारीको कार्यान्वयन गर्न बिस्तारमा छलफल भएको उनले बताए ।
प्रतिक्रिया दिनुहोस्