कञ्चनपुर, असार १६ ।  कञ्चनपुरको महाकाली नगरपालिका वडा नम्बर १ मा नेपाली कांग्रेस विजयी भएको छ । कांग्रेसका वडा अध्यक्षका उम्मेदवार अर्जुनदत्त भट्ट ४ सय १३ मत ल्याएर विजयी हुनुभएको हो । उहाँका निकटतम प्रतिद्वन्द्वी राप्रपाका विक्रम चन्दले ४ सय ८ मत ल्याउनुभएको छ ।

महाकाली नगरपालिकाको मेयरमा पनि कांग्रेसले अग्रता कायम गरेको छ । मेयरमा कांग्रेसका उम्मेदवार वीरबहादुर सुनारले ११ सय ६६ मत ल्याउनुभएको छ भने उहाँलाई एमालेका उम्मेदवार किशोर लिम्बुले ८७३ मतले पछ्ई रहनुभएको छ । राप्रपाका उम्मेदवार नन्दा खत्रीले ३१४ मत र माओवादीका इन्द्रबहादुर रावलले भने २०३ मत प्राप्त गर्नुभएको छ ।

यस्तै उपमेयरमा एमालेकी उम्मेदवार चिनी गिरीले ११ सय ९५, कांग्रेसकी उम्मेदवार गंगादेवी जोशीले ८ सय ९९, माओवादीका ईन्द्रबहादुर रावतले २ सय ११ र राप्रपाका नरबहादुर पाण्डेयले १ सय ७ मत प्राप्त गर्नु भएको छ ।

महाकाली नगपालिकामा १९ हजार ८ सय १ मतदाता रहेका थिए । जसमध्ये १३ हजार ९ सयले मतदान गरेका थिए ।