काभ्रे, २२ भाद्र । ब्यक्ति अपहरणमा संलग्न रहेको आरोपमा धुलिखेल नगरपालिका–५ चौकोटबाट प्रहरीले ८ जनालाई पक्राउ गरेको छ ।

भक्तपुरबाट अपहरणमा परेका सिन्धुपाल्चोक हेलम्बु गाउँपालिका ४ बस्ने बर्ष ४७ को बिष्णु कटुवाललाई प्रहरीले अपहरणकारीको कब्जाबाट मुक्त गर्नुका साथै अपहरणकारीलाई पक्राउ गरेको हो ।
पक्राउ पर्नेहरुमा काभ्रे बनेपा नगरपालिका–६ बस्ने बर्ष २३ को दीपक भुजेल, नमोबुद्ध नगरपालिका–१० का राजन घोरासैनी, जिल्ला सर्लाही घर भई बनेपा बस्ने कृष्णहरि अधिकारी, सिन्धुपाल्चोक सुनकोशी गाउँपालिका–५ घर भई सूर्यविनायक बस्ने रामेश्वर सिलवाल रहेका छन् ।
त्यस्तै रामेछाप खाडादेवी गाउँपालिका–१ का टेकबहादुर विक, काठमाडौ महानगरपालिका २८ बस्ने धननारायण तण्डुकार, सिन्ुधपाल्चोक सुनकोशी गाउँपालिका(५ का रञ्जन सिलवाल र मकवानपुर पालुङ ७ का नकुल कार्की पनि पक्राउ परेका छन् ।केही आर्थिक लेनदेन भएका व्यक्तीहरुले निलो रंगको ट्याक्सीमा राखी जबर्जस्ती नालाको बाटो हुँदै काभ्रेतर्फ लिएर हिँडेको भन्ने जानकारी प्राप्त हुनसाथ खोजतसालको क्रममा धुलिखेल नगरपालिका–५ चौकोटको उकालोबाट गाडी र मोटरसाइकलसहित संलग्न ब्यक्तिहरु पक्राउ गरिएको प्रहरीले बताएको छ ।
घटना भक्तपुर जिल्लाको भएकाले पक्राउ परेकाहरुलाई भक्तपुर जिल्ला प्रहरी कार्यालय पठाएको शाहले बताए ।
उनका अनुसार बा ५ च ९७३५ नम्बरको कार, बा ७८ प ५०५ नम्बरको मोटरसाइकल र बा ३४ प ५०० नम्बरको स्कुटीसहित बेलुका ५ बजे पक्राउ गरिएको इलाका प्रहरी कार्यालय बनेपा प्रमुख सुनिलजंग शाहले बताए ।