काठमाडौं१५ भाद्र ।  भारतीय राष्ट्रिय कांग्रेसका अध्यक्ष राहुल गान्धी काठमाडौं आइपुगेका छन्।

गान्धी शुक्रबार दिउँसो नयाँ दिल्लीबाट काठमाडौं आएका हुन्। उनको यात्रा १२ दिनको हुने सञ्चारमाध्यमहरुले उल्लेख गरेका छन्। राहुल नेपालबाट तिव्वत हुँदै कैलाश मानसरोबर जाने कार्यतालिका रहेको छ ।

भारतीय प्रधानमन्त्री नरेन्द्र मोदी नेपाल आएकै बेला विपक्षी दलका नेतासमेत रहेका गान्धी नेपाल आइपुगेका हुन्।

पछिल्लो समय भारतीय जनता पार्टी ९भाजपा० ले गान्धीलाई ‘हिन्दु विरोधी’ का रुपमा चित्रण गर्न थालेपछि गान्धीले आफूलाई हिन्दुविरोधी नभएर ‘शिवभक्त’ भएको दावी गर्दै आएका थिए।

उनको कैलाश मानसरोवर जाने निर्णयलाई पनि भाजपाको त्यही आरोपको जवाफका रुपमा समेत हेरिएको छ। भारतमा आगामी वर्ष हुने लोकसभा चुनाव नजिकिँदै जाँदा सत्ता र विपक्षीबीच जातीय र धार्मिक मुद्दामा आरोपप्रत्यारोप पनि सघन बन्दै गएको छ।