कञ्चनपुर,१० भाद्र । कञ्चनपुरको भीमदत्त नगरपालिकामा फेरि कर्फ्यु लागेको छ । बिहान ५ बजेदेखि १० बजेसम्म हटाइएको कर्फ्यु चार ,छ र अठार वडामा फेरि कर्फ्यु लगाइएको हो ।
१० बजेपछि फेरि लगाइएको कर्फ्यु कहिलेसम्म हो भन्ने खुलाइएको छैन । अर्को आदेश नभएसम्मका लागि कर्फ्यु लगाइएको जिल्ला प्रशासन कार्यालयले जनाएको छ ।
१३ वर्षकी निर्मला पन्तको बलात्कारपछि हत्या गर्नेलाई कारबाही माग गर्दै कन्चनपुरमा प्रदर्शन हुँदै आएको छ । प्रदर्शनमा प्रहरीको गोली लागेर १४ वर्षका सनी खुनाको ज्यान गएपछि स्थानीय प्रशासनले शुक्रबार बेलुका ८ बजेदेखि कर्फ्यु लगाएको हो ।
कञ्चनपुरका सहायक प्रमुख जिल्ला अधिकारी शंकर विष्टले स्थिति सामान्य बन्दै गए कर्फ्यु हटाइने बताएका छन । ३३ घण्टापछि कफ्र्यू खुल्दा बजारमा किनमेल गर्नेको चहलपहल धेरै बढेको थियो ।
जिल्ला प्रशासन कार्यालय कञ्चनपुरले रक्षाबन्धनलाई लक्षित गरी बिहान ५ बजेबाट १० बजेसम्मका लागि कर्फ्यु आदेश हटाएको हो ।
प्रतिक्रिया दिनुहोस्